23‏/1‏/2009

مهما حدث سأظل احبك




أعزائي

واحد من اصحابي بعتلي اول صوره المكتوب فيها

مدونه زهره البنفسج
بشكره كتير علي ذوقه

احترت اقدمها ازاي بس لقيت ان احسن حاجه اني اكلمكم عن
زهورالبنفسج

لغه الازهار او بالاحري لغه القلوب

بتقول ان لكل نوع من الزهور رمز او لغه

استعملت للتعبير عن المشاعر والاحساس

والورده البنفسجيه بتعني الحب للآخرين

وزهره البنفسج للحب الصامت المتأجج
وزهور البنفسج بتخاطب المرأة الخجول
وفي حوار بيكون بين الورده والانثي

المرأة لما تبعت للرجل زهور البنفسج معناها انها بتقوله

( مهما حدث سأظل احبك )

وعمنا صالح عبد الحي غني للبنفسج

من كلمات بيرم التونسي

والحان رياض السنباطي

بس ياتري كام واحد سمع الاغنيه او بالاحري تمعن في كلماتها

تعالوا نقرا مع بعض ونشوف قال ايه عن البنفسج

ليه يابنفسج بتبهج وانت زهر حزين

والعين تتابعك وطبعك محتشم ورزين

ملفوف وزاهي ياساهي لم يبوح للعين

بكلمه منك كانك سر بين اتنين

حسنك بكونك بلونك تبهج المقهور

واللي يزوره سميره في الظلام مستور

حطوك خميله جميله فوق صدور الغيد

تسمع وتسرق يا أزرق همسه التنهيد

اسمع وقولي مين اللي قال معايا آه

بقولها وحدي لوحدي والاسي هواه

فعلا الله علي اغاني زمان
اغاني جميله حقيقي مش زي اغاني التيك اواي
والاصوات اللي مش بنعرفهم من بعض
كله زي بعضه
بلا طعم ولا لون ولا رائحه
اقولكم ابقوا معي واوعوا اوعوا تفكروا تغيروا المحطه






هناك 3 تعليقات:

غير معرف يقول...

زهره البنفسج او ليلي
مواضيعك كلها جميله . بنتظر كتاباتك يوميا . دمتي بود
دكتور محمد عمر

غير معرف يقول...

لولا العزيزه
حقيقي بتفكري بشكل مرتب
بحب طرحك للمواضيع وبحب اسلوبك اللي دايما اقولك انه سهل ممتنع
ان شاء الله حتوصلي . وربنا يحقق كل امنياتك واحلامك
دكتور احمد الجمال

غير معرف يقول...

لولا الجميله
ممكن تكتبي عن باقي الزهور وبالاخص عن تيوليب . ده مش طلب ده رجاء
وزي مادايما اتعودنا منك بتنهي كلامك معانا وتقولي
يارب يديم الود بينا
دكتور محمود الزهار