28‏/6‏/2013

جمهوريه بامبوزيا العظمي

أعزائي
ده احسن عنوان للحاله اللي احنا فيها حاليا  
هي مصر بقت عذبه للاخوان والا في ايه بالظبط ؟
دايما بنتظر الفقره الكوميديه اللي بيقدمهلنا عم الحاج باسم نؤتمر او خطاب 
انما المره دي كانت فقره ماساويه 
تعالوا نتكلم بعض هلوسات حكي عنها 
بيقول انه معلم علي اعتبار انه كان بيدرس في الجامعه 
وبيقول انه اتعلم بره  طيب ياعم الحاجج نورت المحكمه 
انما كملت كلامك وقلت 
ان شئتم ان تقولوا عالما فقولوا 
لا والله الكلام ده جد والا بتمزح معانا 
طيب ده اسلوب عالم ما اعتقدتش ان ممكن يكون اللي بيدرس في الجامعه 
يبقي اسلوبه بالركاكه دي هو ده اسلوب استاذ جامعي 
ياشماته ابله ظاظا فينا 
----
الخطاب ده كان لمين ؟
  للهتيفه اللي كانوا بيقولوا ثوار احرار حنكمل المشوار 
والا لاهلك وعشرتك والاللمعارضه والا للشعب المصري 
اختار بقي لمين ولو اخترت اجاباتين التالته حنديهالك فوق البيعه 
---
بتقول ان الاقتصاد زي الفل ده باماره ايه ؟
وحنستلف 30 مليار دولار من السعوديه للموازنه 
قرض اسلامي 
طيب معاليك حتوزن هنا والا في السعوديه عشان تاخد البركه 
وده غير قرض قطر 
---
السياحه مافيهاش مشاكل 
عشان كده اتلغت الجروبات السياحيه اللي جايه مصر
لوكلفت خاطرك ورحت المطار حتلاقيه فاضي 
والاوتيلات نسبه الاشغال فيها بقت في الحضيض 
---
البنزين مافيش ازمه دي ازمه مفتعله 
دي عمايل احمد شفيق 
قولتوا ان اللي بيقف في طابور البنزين ده عميل بياخد 500 جنيه 
طيب انا وقفت مرتين ماخدتش ال1000 جنيه ليه ؟
انت قلت انك عايز تقف في طابور البنزين 
يمكن محتاج 500 جنيه ونفسك تبقي عميل زينا 
---
ازمه الكهرباء مفتعله 
قال ايه بيقول ان المسئول عن سكينه الكهربا المفروض انه بيقفل عن 3 مناطق 
كل منطقه ساعتين  عداله قطع النور 
عشان هو عميل بياخد 20 جنيه ويروح وبيسيب النور مقطوع عن منطقه واحده 
ده اختراع ياكوتش 
--- 
اتكلمت كلام مش كويس في حق القضاء 
قلت انهم عاملين مهرجان البراءه للجميع 
 مرسي : (أنا عايز أحمد شفيق يروح المحكمه)
طب ما المحكمه طلبتك بالإسم يا مرسي

مرسي : (أحمد شفيق مطلوب للعداله)
طب منتا كمان مطلوب للعداله فى قضايا تجسُّس واقتحام السجون

مرسى : (محافظ الأقصر لاتشوبه شائبة واحدة)
هو عليه أحكام إرهابية بس يامعلّم .. وطلاما رد سجون زيك يبقى
صاحبك وكفاءة

مرسي : (واحد إتصل بيا وقاللى يا ريّس في جراكن بنزين أنزل أولع فيهم ؟؟ قولتلو إيه !! إنت عاوز تولع البلد !!)
عليا النعمة إنت غلِبت "مرجان أحمد مرجان" فى مشهد
"مجلس الشعب"

مرسي : (أنا نفسي أقف فى طابور البنزين .. صعبان عليا أوى الطابور)
عليا النعمه إنت لو نزلت كنت هتطلع من البنزينة حامل

مرسي : ( زكريا عزمي وصفوت الشريف بقوا دلوئت ثوار ؟!)
لأ كانوا رموز وطنية في إلإنتخابات البرلمانية أيام مبارك والنظام
البائد المُجرم

مرسي : (موقعة الجمل أخدت براءه بسبب النائب العام السابق)
على فكره يا مُغيّب .. قضية موقعة الجمل أخدت براءة علشان النائب العام بتاعك قدّم الطعن متأخر يومين

مرسي سابقاً : إحنا طالعين منحدر الصعود
مرسي حـاليـاً : إحنا غير قابلين للإنضغــاط
ده اللي نازل علي الفيس بوك تسائلات لمعاليك ؟
 ---
اتكلمت عن مكرم محمد احمد قلت انه فلول وعامل نفسه حاليا من الثوار 
قلت ان المستشار علي النمر مزور وزور  قدامك في انتخابات محلس الشعب سنه 2005
قلت عن محمد الامين صاحب قنوات CBC
انه بيوجه قنواته للهجوم علي الاخوان 
وطالبته بانه يسدد الضرايب 
هو انت بقيت بتشتغل في الضرايب ومسئول التحصيل 
وتاني يوم منعته من السفر 
قلت عن احمد بهجت صاحب قنوات دريم انه مطلوب للعداله 
بس نسيت تقول ايه هي جريمته 
قفلت قناه الفراعين وقيضوا علي عكاشه صاحبها 
وعايز تقفل قنوات سي بي سي ,,, اون تي في  ,,, دريم ,,, النهار 
عايزه افكرك ايام ماكنت بتعمل دعايه انتخابيه لما اترشحت لرئاسه الجمهوريه 
انك طلعت في كل القنوات دي نسيت 
ايامها كانت حلوه وحاليا بقت وحشه 
سبحان الله يارب 
----
اتكلمت في حق كمال الشاذلي 
هو مش برضه بيقولوا عليك الرئيس المؤمن 
هو اسلامك ماعلمكش ان مايجوزش علي الميت الا الرحمه 
والا هو الاسلام السياسي بيبيح كل شيء
---
ما اتكلمتش علي اي مشاكل بتواجه مصر 
ماسمعناش اي حاجه عن سينا 
عن الظباط المخطوفين من 2011
عن اتفاقيه عنتيبي  ايام مبارك العميل  الخاين  كلب امريكا 
ماحدش قدر يمضيها 
بس اتمضت في عهد النهضه 
منسوب الميه كان 77 م مكعب 
بقي حاليا 14 م مكعب 
لان منسوب ميه السد انخفضت 
شفنا في التليفزيون اراضي اسوان اللي اتبورت 
اديله نهضه يديلك خراب 
احداث ابو النمرس  الشيعه  اللي مثلوا بجثثهم 
ما اتكلمتش عليهم ليه 
اتفضحنا في الاعلام العالمي 
اتصل بيه قاريء مستر جمالي من استراليا 
قالي انهم ماقدروش يشوفوا التمثيل بالجثث 
ماكانش في مصر حد بيسال انت شيعي والا سني 
ولا انت مسلم والا مسيحي
كله مسلم شيعي سني  مسيحي
كلنا عايشين في سلام وامان  علي ارض مصر 
انما الاسلام السياسي المتسامح بيبيح قتل السني للشيعي 
حاولوا يعملوا فتنه طائفيه بين المسلمين والمسيحيي 
بس ماقدروش ده لان الدكتور احمد الطيب والانبا تواضرس 
وقفوا مع بعض وحذرونا من الانزلاق في هاويه التطرف
اخبار الارهاب ايه ياعم الحاج ؟
---
ابراهيم عيسي جابلنا في قناه القاهره والناس 
جزء من اجتماع ائتلاف الشرطه 
قالوا ان تامين الشعب هو الاهم 
جمال عبد الناصر ايام ايلات قالوا انهم بعد عمليه تفجير ايلات يطلعوا علي الاردن 
كان في مؤتمر وكان فيه عبدالناصر والملك حسين 
عبد الناصر جاب الملك حسين وقاله معاليك في ضيافتنا 
لغايه لما اولادنا يرجعوا من الاردن 
للاسف حاليا اولادنا بيتخطفوا ويتقتلوا 
وحماس حطتها علي العين والراس 
---
ده لينك اغنيه لامال ماهر اسمها انتباه 
عشان غنت الاغنيه دي اتمنعت اغانيها من القنوات التابعه للاخوان 
الاغنيه كلمات دكتور مدحت العدل 
ولحن عمر خيرت 
  http://www.youtube.com/watch?v=SuYxobA0T0A
-----
انا عارفه ان اللي كاتباه النهارده مش مترابط بس بجد مش عارفه اسيطر علي مشاعري 
سمحوني واستحملوني 

 عشان بلدك ماتضعش 
وعشان جنودك اللي حامينك مايتخطفوش ولا يتقتلوا 
والشرطه تحميك مش تحمي الاخوان 
وتلاقي حدودك فيها حمايه قويه 
ومخابراتك تشتغل للبلد مش للاخوان 
وعشان ماتبقاش لبنان ولا عراق 
وعشان ابني وابنك ومستقبلهم 
انزل يوم 30
واللي مش حيقدر ينزل يقف قدام باب بيته ومعاه علم مصر 
بين حبك لبلدك 
بأذن الله حننقظها 
موعدنا  يوم الاحد 30 
واوعوا اوعوا تقلبوا الصفحه 
ابقوا معي






11‏/6‏/2013

أي كلام

أعزائي 
متاخره عليكم بس الدنيا بقي لونها زي مابيقولوا فحلقي
مافيش حد مطمن ولا حد مرتاح كلنا قلقانين 
حمله تمرد علي اشدها في كل شوارع الجمهوريه 
30 يونيه خلاص قريب جدا 
بس الحقيقه انا قلقانه مش عارفه حيحصل ايه ربنا يجيب الخير ويرفع الغمه وينصر الامه 
----
عمكم الحاج كان بيخطب امبارح  قال ايه عشان ميه النيل 
وعمل بوليكه كبيره  المشجعين قابلوه بالتصقيف وصوره 
عاملين سيناريو لفيلم هابط 
مش بدل ما كان يعمل البوليكه دي كان راح يعزي في 
النقيب محمد ابو شقره 
اللي نشوه في سينا  ده بجمله الظباط اللي اتقتلوا 
امبارح والدته قطعت قلوبنا وهي  بتشيع جنازته 
خلي مرسي ووزير الداخليه ينبسطوا



طبعا الصوره بشعه بس لازم الكل يعرف بيتعمل فينا ايه 
---
وعم الحاج بعد عملته السوده في اثيوبيا عامل مؤتمر عن النيل 
وبيقول ندافع عنه بدمائنا علي اعتبار ان هو والاخوان عندهم دم 
وفيلم ارضنا العطشانه نرويها بدمانا 
فاكر انه محمود المليجي 
حسبي الله ونعمه الوكيل في كل اللي ظلموا مصر والمصريين 
وقال اننا حنصبر علي المصريين 
وصبرنا مالوش حدود 
هو مش مصري والا الاخوان دول ليهم جنسيه اخوانيه ؟
---
الصوره دي لانجازات الحاج ابو شيماء 

شفتوا ده اعجاز مش انجاز
والمضحك انه يعمل اجتماع مع عاهات مصر وكل واحد يدبر حاجه  فاكر حاله 
الكابتن كولومبووالمؤتمر مذاع علي التليفزيون وهما بيدبروا خطط عبيطه 
واذ فجاتن اكتشفوا انهم علي الهوا  باين حد فيهم جاله زكام من الهوا 
عشان كده اكتشفوا . والا فاكرين انهم في الكاميرا الخفيه 
طيب الكاميرات الموجوده كانت بتصور ايه ؟
العته له ناسه برضه 
---
مسلسل قطع الكهربا والنور شغااااااال 
يوميا اكتر من مره 
من كام يوم قطع النور عندنا في البيت من الساعه 2.45لغايه 8.45
6 ساعات عادي والجو درجه حرارته 43 
وماله ما الشعب يفطس ولا يهمهم خلي الدنيا تفضه والزحمه تخف 
---


الست آم قرقر 
النايبه السايقه في مجلس الشعب الاخواني 
كل شوي تطلعلنا بكلام غريب جدا مالوش اي اساس  
مره قالت ان احتياجاتنا متوفرمنها 70%
وده في زمن قياسي من حكم الحاج في  في اقل من سنه 
وامبارح بعد ماخطب الخطبه العصماء قالت النهارده
 أم ايمن : خطابات الرئيس مرسي دائماً تبعث على الأمل والسرور ، واليوم فاجئني بشدته ، أكاد أُجزم أن الأعداء باتوا في جحورهم يرتعدون من لهجته ، نعم إنه القائد ، الفارس ، المغوار .. أرأيتم كيف يضحي من أجل مصر ؟ حفظك الله لنا !
شفتوا ازاي  بس ياتري هي بتسمع الكلام اللي 
الشعب مش بيسمعه فين؟
---
في لفه علي الخضار والفاكهه دي الاسعار 
طبعا الغلا بقي بشع ومصر بقت العيشه فيها غاليه 
ويرضي مين  اللي احنا فيه 
ده الغني بيشتكي يبقي الفقير يروح يموت والا ايه ؟
الملوخيه 4 جنيه 
البيضه لما تشتريها لوحدها مش كرتونه تمنها 
1 جنيه 
عنب 12 جنيه 
برقوق 20 جنيه 
التفاح المصري الصدمان العدمان  5 جنيه 
التفاح اللي يتاكل 18 جنيه 
المشمش 10 جنيه 
البطيخ الكيلو 3 جنيه كان ب5 جنيه 
وممكن تقول انه خيار مش بطيخ 
الخيار 4 جنيه 
الطماطم4 جنيه 
الليمون 6 جنيه 
الفراخ البيضه 16جنيه للكيلو
الفراخ الحمرا 18 جنيه للكيلو 
الفراخ البلدي المخلطه 20 جنيه للكيلو
البلدي البيور 25 جنيه للكيلو
البوفتيك 120 جنيه الكيلو
اللحمه الكندوز الكيلو 75 جنيه 
الهوت دوج في السوبر ماركت الباكته فيها 5 صوابع 
20 جنيه 
كرتونه الميه المعدنيه 40 جنيه 
وتفضل تدور عليها 
البلح بتاع رمضان 20جنيه 
طبعا عارفين ان الكهربا غليت 
والبشره الساره ان الغاز الطبيعي  
ارتفع سعره من 10 قروش ل50 قرش ده للمتر
مش حقولكم علي اسعار المكسرات بعدين يغمن عليكم 
شفتوا بقي الهنا اللي احنا فيه 
---
 من كام يوم حصلي حاجه ونزلتها علي الفيس بوك 

 
وانا راجعه لقيت ميكروباص زنق عليه وحكلي الرفرف اليمين ,, ولما شاورت للسواق بما معناه انت مش شايف لقيته شوحلي ونزل من الميكروباص وبيقولي يالله غوري وشتمني بامي شتيمه ابيحه بما معناه ان امي ست مش كويسه وكمان قالي عامله نفسها هانم وهي ...كلمه برضه ابيحه , لقيت حالي مش عارفه اعمل ايه الناس اتلمت رحت نازله من العربيه والناس اللي واقفه كانوا عايزين يحجزوا بيني وبين سواق الميكروباص قلتلهم انا بس عايزه اعرف هو قال ايه ما سمعتش كويس والحمدلله اني كنت لايسه سليبر رحت قلعاه ورقعته بيه علي وشه في وسط كل اللي واقفين بمافيهم السواق نفسه ورجعت علي عربيتي وانا بقول اصل لو كان في شرطه في البلد ماكناش اخدنا حقنا بابدينا , راجل كبير لقيته بيقولي تسلم ايدك يابنتي ,, ومشيت في حمايه العربيات اللي وقفت تشوف ايه اللي حصل .بجد برضه في لسه شهامه من الناس اللي بيعرفوا الاصول , ندمت اني ماكنتش لابسه كعب كنت فتحت دماغه وارتحت ..
وده نتيجه ان البلطجي يقدر يقاضي رجل الشرطه 
ورجل الشرطه مش حينفع يقاضي حد 
ده قانون عمكم الحاج 
---
نداء للصبايا اللي نازلين يوم 30/6
ﻟﻜﻰ ﺗﺤﻤﻰ ﻧﻔﺴﻚ ﻣﻦ ﺍﻯ ﺍﺧﻮﺍﻧﻰ ﻣﻌﻔﻦ ﺍﻭ ﺗﺤﺮﺵ ﻋﺴﻜﺮﻯ ﺯﺑﺎﻟﺔ ﺍﻋﻤﻠﻰ ﺍﻻ‌ﺗﻰ
1-ﻟﺘﺮ ﻣﺎﺀ ﺍﻭ ﺧﻞ
2-ﺧﻤﺲ ﻣﻼ‌ﻋﻖ ﻓﻠﻔﻞ ﺍﺳﻮﺩ ﻧﺎﻋﻢ (ﺍﻭ ﺣﺴﺐ ﻣﺎﺗﺤﺒﻰ ﻣﻦ ﺯﻳﺎﺩﺓ ﻓﻰ ﺍﻟﻜﻤﻴﺔ)
3-ﺧﻤﺲ ﻣﻼ‌ﻋﻖ ﺷﻄﺔ ﺳﻮﺩﺍﻧﻰ
4- ﺧﻤﺲ ﻣﻼ‌ﻋﻖ ﻣﺴﻄﺮﺩﺓ
ﺗﺨﻠﻂ ﺍﻟﻤﻜﻮﻧﺎﺕ ﻣﻊ ﺑﻌﻀﻬﺎ ﺍﻟﺒﻌﺾ ﻭﺗﻮﺿﻊ ﻓﻰ ﺑﺨﺎﺥ ﻭﺗﻜﻮﻥ ﻓﻰ ﻣﺘﻨﺎﻭﻝ ﻳﺪﻙ
ﻭﺍﻯ ﺧﺮﻭﻑ ﺍﻭ ﻋﺴﻜﺮﻯ ﻳﻘﺮﺑﻠﻚ ﺭﺷﻰ ﻓﻰ ﻋﻨﻴﻪ ﻋﻠﻄﻮﻝ ﻫﺘﺴﺒﺐ ﺍﻟﻌﻤﻰ ﻟﻤﺪﺓ ﺧﻤﺲ ﺩﻗﺎﺋﻖ
ﻭﺳﺎﻋﺘﻬﺎ ﺍﻟﺮﺟﺎﻟﻪ ﺍﻟﻲ ﺣﻮﺍﻟﻴﻜﻲ ﻛﻠﻬﻢ ﻫﻴﻘﻮﻣﻮﺍ ﻣﻌﺎﻩ ﺑﺎﻟﻮﺍﺟﺐ
ﺍﻧﺰﻟﻲ ﻭﻣﺘﺨﺎﻓﻴﺶ ﻛﻞ ﺍﻟﻲ ﺣﻮﺍﻟﻴﻜﻲ ﺍﺧﻮﺍﺗﻚ ﻭﻣﺤﺪﺵ ﻫﻴﺴﻤﺢ ﻟﺤﺪ ﻳﻀﺎﻳﻘﻚ
يوم 30 يونيه 
 ماتخافوش كلنا حننزل 
---
انا عارفه ان المقال ممل ومش مترابط بس دي حاله كل المصريين 
واوعوا اوعوا تقلبوا الصفحه 
ابقوا معي