23‏/5‏/2010

الفتي الذهبي



أعزائي
بلاش النهارده نحكي عن السياسه ولا علي المشاكل
في حدث كبير ومهم نحكي عليه النهارده
يالله نبتدي
بعد أكثر من 30 عاما يزور الملك توت عنخ امون
او كما يطلق عليه الفتي الذهبي نيويورك
وقد تم افتتاح معرض الملك توت والعصر الذهبي للفراعنة
في 23 ابريل ويستمر حتي الثاني من يناير 2011
المعرض به حوالي 131 قطعة أثرية
ويضم المعرض ادوات جديده استخدمت في الحياة اليومية
في مصر القديمة وعربه الملك توت الحربية
وكذلك اوعية بها كبد وأحشاءالملك المحنطة
وعمليه الدفن الملكي
وقد أظهرت الاختبارات الحديثة للحمض النووي
انه اصيب بالملاريا وتوفي من مضاعفات نتيجه لكسر في ساقه
والملك توت هو ابن الملك اخناتون
الذي تزوج من أحدي شقيقاته ولم اتمكن من معرفة اسمها
وقد أقام المصريين تمثال (انوبيس) رب الجبانه والموتي
عند المصري القديم امام تمثال الحريه
وذلك للاعلان عن قدوم الملك توت
ووجد تمثال انوبيس في ( غرفة الكنز ) داخل مقبره الملك توت
وبجوار غرفة الدفن
لان انوبيس هو راعي وحامي الموتي في مصر الفرعونية
وقد تم سداد اربعة ملايين وخمسمائة الف دولار امريكي
مقابل اقامة المعرض
وبلغت قيمه التامين علي محتويات المعرض
650 مليون دولار
وقد ساهم موقع الفيس بوك في الترويج للمعرض
ودعا المدرسين في مدينه نيويورك والمناطق المحيطه بها
لتنظيم رحلات للطلبة من مختلف المراحل التعليمية
لان علي حد قولهم ان الفرصة لا تاتي الا مرة واحده في العمر
وشهدت مبيعات تزاكر المعرض اقبالا من الجمهور
وتقدم الفنادق عروضا خاصة لرواد المعرض
ويقع المعرض في
Times Square
بمنهاتن ويقع التايمز سكوير
عند تقاطع شارع برادوي والمنطقة السابعة
وقد سميت بالتايمز سكوير لوجود مكاتب جريده النيويورك تايمز
وحاليا يقام فيها احتفال رأس السنه كل عام
ويقال ان ما سيدره المعرض من اموال ستنفق علي المتحف المصري بالقاهرة
ياريت يكون الكلام ده صح
وللحديث بقيه بعد انتهاء المعرض
اعتقد المقال لا رفع ضغطكم ولا حرق دمكم
نعتبره مقال فرعوني
بس برضه اوعوا تقلبوا الصفحه
ابقوا معي

8‏/5‏/2010

جرعة جديده لرفع ضغطكم وحرق دمكم

أعزائي
لم يسمح أمن الدكتور احمد نظيف دخول الصحفيين والآعلاميين
من الصحف والقنوات الفضائية الخاصة تفقد المرحلة الثانية
لتطوير شارع المعز لدين الله مساء الثلاثاء الماضي
لكنه سمح للتليفزيون المصري بالتصوير والتصريحات
بثت من داخل أحد المساجد الآثرية
وكان بصحبة نظيف الوزير الفنان فاروق حسني وأخرين
واثناء مرور نظيف وقف أحد البائعين بالمنطقة وهتف لنظيف
ولما رد نظيف التحيه ورفع يده قال البائع
اللحمة والله اللحمة ياريس عايزين لحمة
وفي نفس اليوم جمع نظيف رؤساء تحرير الصحف الحكومية
وتحدث عن قضايا مهمة للمواطنين
ولم يدعي لا الصحافة الحزبية ولا المستقلة
وده لان مجلس الوزارة بقي املاك خاصة وحدد للشعب اذا اراد المعرفة
عليه بالجرائد التابعة للحكومة
وبكده التصريحات تبقي ملك شخصي
ياعم نظيف انت وكل الوزراة بتاخدوا مرتباتكم من الضرائب
اللي بيدفعها الشعب وفي نفس الوقت مالوش الحق انه يقرا الجريدة اللي يختارها
ماهي فعلا حكومة تعتيم
---
ارفع لكم الضغط واحرق دمكم اشمعني انا اترفع ضغطي ودمي اتحرق
املاك الدكتور نظيف
شقه في المهندسين
3 قصور في وادي النيل الكيلو 52 طريق مصر اسكندرية الصحراوي
واحد له واتنين للنبي حارسهم الاولاد
3 شقه في سان استيفانو اسكندريه
ثمن الوحده 2 مليون دولار يابلاش
4 شقه بالمنتزه
5 شاليه بالمعمورة
واخيرا فيلا الغردقه
عقبال كل الحبايب
---
عمال المعدات التليفونية وتحسين الاراضي والنوبارية
معتصمين علي رصيف مجلس الشعب بيطالبوا بتحسين مرتباتهم وتثبتهم
وعودة العمال المشردة والتامين عليهم ضد مخاطر العمل
عمال الهيئة العامة لتحسين الآراضي بالبحيرة
معتصمون من 35 يوم
المهندس حسن البنا مدير الهيئة طالبهم بفض الاعتصام
وقبول التفاوض مقابل عقود لجميع العمالة المؤقتة
رفضوا وتمسكوا بالتثبيت بأثر رجعي
ورفص عمال النوبارية العرض المقدم من رئيس مجلس الآدارة
ووصفوا قرار الست الوزيرة عائشه عبدالهادي
وحسين مجاور رئيس اتحاد عمال مصر
بنقلهم للهيئة المصرية للاتصالات
اللي شعارها ( اتكلم أرضي يا ابن بلدي )
بانه نقل تعسفي وسيطعنوا عليه امام محكمة القضاء الاداري
ونقول ايه ربنا معاهم يعنيهم علي ما ابتلاهم
---
وافقت وزارة المالية علي 27 مقترحا من 38 تقدم بها
الاتحاد العام لنقابات عمال مصر وذلك في الاجتماع الذي ضم
يوسف بطرس (عبدالقوووووي) وحسين مجاور
والوزيرة عائشة عبدالهادي
لمناقشة مشروع التامينات الجديد
وقال عبدالقوي ان دوره في الحكومه صراف
تقولولي هات فلوس اقولكم لا لا لا
وبيقول كمان انه دخل رحلة قانون التامينات راكب توك توك
وخرج راكب مرسيدس
حمدالله علي سلامتك ياعبدالقوي
وده لحرصة علي توفير الحماية التامينية والرعايا الاجتماعية الشاملة
لاصحاب المعاشات والحصول علي افضل الامتيازات
انتوا بقي عايزين ايه منه الراجل تعب معاكم يرضيكم وانتوا مافيش فايده
مش عاجبكم انه حط اموال التامينات في البورصه
انتوا علي فكرة شعب نمرود
لازم تقدروا جهد عبدالقوي وتعبه
وكمان مش مكفيكم انه غير قانون الضرائب والجمارك والضريبة العقارية
ودي زي ماقال انها مزايا لرفع العبء عن محدودي الدخل
ده بيكلم هنود والا ايه شايف الشعب كل واحد من الشعب
رابط الفيل الابيض في الشجره او عمود النورد اللي تحت بيته
وبيقول ان القانون الجديد مناسب ل 75 سنه مش 10 سنين
وبعت نسخه لحبيبنا عم الحاج الكبير ونسخه لمجلس الشعب وكمان نسخه للشوري
والحمدلله رب العالمين اقتنعوا بيه يالله عالبركة
واعتبر حسين مجاور ان القانون انجاز تاريخي
ياللي بقي زغرتي يا اللي مش دراينه
---
الابعاء الماضي فتحوا معبر رفح في اتجاه العوده لقطاع غزة
مدة 24 ساعة لعودة المرضي اللذين انهوا علاجهم بالمستشفيات المصرية
---
خلاص جرعه حرق الدم ورفع الضغط انتهت
ونشوفكم في جرعه جديده
بس وحياة النبي اوعوا اوعوا تقلبوا الصفحه
ابقوا معي