28‏/3‏/2013

شقع بقع

أعزائي
رجعتلكم بس برضه متاخره عليكم 
انا بقيت وحشه خالص خالص وكمان كسلانه 
بجد بتوحشوني
---
 الحاله بقت صعبه جدا والعيشه بقت ممله
تعالوا بقي نشوف اخبارات القاهره العامره بالاخوان 
الاول اخبار ا صابع زينب يووووه بقصد الحاج ابو شيماء
---
دي اقواله في خطاباته الرهيبه 
---
اي اصبع حيتدخل في شئون مصر ساقطعه 
---
الناس اللي بتقول ان مصر هاتقع وتفلس اقولهم 
( وقعت في ركبكم كلكم )
---
بعض وسائل الاعلام تبالغ وتضخم وتظهر الاعداد القليله
من المتظاهرين علي انهم بالالاف 
وان مراسلي القنوات الفضائيه يكونون 
في بعض الاحيان اكتر من المتظاهرين 
ده علي اعتبار ان الناس اللي بتتفرج مغيبه 
---
احنا في منحدر الصعود 
ازاي دي انا مش فهماها لو حد يعرف يقولي ينوبه ثواب فيه 
--
مايراه المصريون في الخارج من وسائل الاعلام
لايمت للواقع بصله 
وهو الاعلام بيجيب منين الا من الشوارع واللي بيحصل فيها
---
حاره مزنزقه 
---
56743
---
3 صوابع بتلعب 
---
سافعلها سافعلها 
---
جراب الحاوي مليان بيمد ايده مره يطلع حمامه 
ومره يطلع تعبان 
--------
والنبي ده كلام يتقال هو رئيس جمهوريه والا حاوي 
الخطاب الجاي حقه يقول 
شقع بقع ياديل الفار وحده تقع والتانيه تختار 
وعشرته ترد عليه وتقوله 
والله شاطر ياحاوي 
---


صوره الحاج ابوشيماء والوفد المرافق له 
وعلي راسهم وزير الخارجيه 
مش حقول غير نوم العوافي يا باشوات
---
محكمه استئناف القاهره حكمت بعوده المستشار عبدالمجيد محمود 
النائب العام السابق 
والغت قرار رئيس الجمهوريه بتعيين المستشار طلعت ابراهيم 
ياكسوفي من اللي بيحصل
صدمه لعم الحاج ونائبه العام الملاكي 
وبكده يبقي استدعاء النشطاء باطل والا ايه ؟
افيدوني يا اهل القانون 
---
 
 
 
 ---
 
 
 
 
 
 
 
 
جوليا جيلارد - رئيسة وزراء أستراليا - بتطرقع لبتوع "الشريعة" الإسلامية:

طلبت رئيسة وزراء استراليا جوليا جيلارد المتعصبين للشريعة الإسلامية التي لا تتوافق مع التقاليد الغربية والثقافة الاسترالية مغادرة الأراضي الاسترالية فورا
قالت جوليا أنت متعصب للشريعة الإسلامية لماذا لا تسكن في السعودية... او ايران؟ ولماذا غادرت دولتك الإسلامية أصلاً
تتركون دولاً تقولون باركها الله بنعمة الإسلام وتهاجرون إلى دولٍ تقولون ان الله اخزاها بالكفر من أجل حرية.. عدل.. ترف... ضمان صحي... حماية إجتماعية...مساواة امام القانون... فرض عمل عادلة ... مستقبل للأطفال... حرية التعبير، او ربما من أجل التعصب الإسلامي! لأن كل هذا ذلك في ارض الإسلام بحاجة إلى ولاء حزبي وموافقة حكومية، بينما في استراليا فحرية التعبير أفضل واسطة.

منقوله من الفيس بوك 
انا شايفه ان كلامها معقول 
فيفا استراليا 
---



ده الشيخ اللي اتشاكل مع الهام شاهين والقضاء طسه حكم 
وطلع بكفاله 
مش بيتوب  
ده عينه من عشيره الحاج ابو شيماء 
بيدعي بفضيحه الناس
هو الاسلام علمه ده 
هو يحب حد يدعي عليه وعلي اهله وعشرته 
حسبي الله ونعمه الوكيل فيكم 
---
رساله من مواطن لرئيس جمهوريته 



 ---
ودي حاجه كده علي ماقسم مهداه للحاج هشام قنديل 
رئيس وزراء المحروسه 
 
---
مؤتمر القمه اللي في انعقد من يومين في قطر 
استقبل امير قطر كل الرؤساء المشاركين في المؤتمر 
ماعدا الحاج ابو شيماء
ليه ياتري ؟
تصنيفه في قطر مش رئيس جمهوريه ؟
كان المفروض انك للخلف دور وتركب طيارتك وترجع مصر
والا انت مش عارف يعني ايه مصر 
حضاره 7000 سنه 
اذا مش عارف قيمتها يبقي خلاص ماتلزمهاش 
بس حنقول ايه انت بتنفذ تعليمات ماتقدرش تتخطاها 
بجد ومن قلبي كان الله في عونك 
--- 
اخر حاجه عايزه اقولها للحاج مرسي 
ان ضميري مرتاح لاني ما انتخبتكش في الاعاده 
ولا عصرت ليمون منعا للحموضه 
انت ياحرام ماقصدتش تبقي رئيس جمهوريه 
ولا ده كان حلم حياتك 
بس انت نفذت تعليمات قيادتك في الجماعه 
فضحتنا جوه وبره 
علي راي احمد مظهر في فيلم الناصر صلاح الدين 
لما كان بيكلم رتشرت قلب الاسد 
بقولك 
احقن دماء المصريين برحيلك 
---
بس برضه عندي امل في غد مشرق وحر 
وحكومه ورئيس مدنيين 
واوعوا اوعوا تقلبوا الصفحه 
ابقوا معي

 



 

3‏/3‏/2013

قوم اقف وانت بتكلمني

أعزائي
مش فاهمه انا ليه بتاخر عليكم 
انتوا في بالي  بس برضه مش عارفه جرالي ايه 
يمكن لان الفضائيات بقت ملحه زي مابيقولوا 
في الشارده والوارده 
المهم بجد بجد وحشتوني ومش حتاخر عليكم تاني 
في موضوعين انا منزعجه جدا منهم 
تعالوا بهدوءءءءء
علي رأي عماد اديب نناقشهم 
---
ده بقي اسم النبي حارسه وصاينه 
عبدالله ابن الحاج مرسي 
اللي قالوا انه خطب بنت الحكومه القنديليه 
بس اياك ما يرجعوش في رأيهم 
زي عاده الحا ج ابو شيماء 
من ساعه ما ابوه بقي ريس وهو مش عارف يعمل ايه 
مشاكله كتير    
اخر مشكله كانت مع الملازم احمد حمدي من قوة تامين 
حي فلل الجامعه  في مدينه الزقازيق 
كان راكب هو وصديقه عربيه ماركه BMW
طبعا مش تابعه للرياسه 
يعني مش نمر رياسه الجمهوريه 
طلبوا من العسكري يشيل الصدادات 
بس بطريقه  بايخه
قالوله شيل الصدادات دي وعديني يالا 
يالا معناها ياواد بس بلغه الميكانيكي لما بيكلم الواد بليه 
طبعا العسكري الغلبان مايعرفوش وما رفعش الصدادات 
قاله امشي هات الظابط اللي معاك 
جه الملازم احمد حمدي وكان جديد بقاله يومين في الحراسه 
وماشافش وش المحروس قبل كده ولا يعرفه 
قاله بتعالي  ارفع البتاعه دي 
رد الظابط وقاله ليه انتم مين حضراتكم 
نزل صاحب ابن الحاج ابوشيماء من العربيه 
ونغز الظابط في كتفه وقاله اتكلم عدل 
مش عارف بتكلم مين ؟
وعمكم عبدالله ابن فخامه الرئيس قاله 
انت مش عارف انا مين ؟
حعرفك انا مين وحعرفك شغلك 
هاقلعك البدله الميري وهاخليك تقعد جنب امك 
الظابط كلم مدير امن الشرقيه وقاله اذا ما اعتذرش حعمل محضر 
والاعتذار يبقي قدام المجندين والظباط والاهالي في نفس المكان 
ومش حيقبل اعتذار في اي مكان ولا حتي مكتب مدير امن الشرقيه 
اتصل اسامه اخوه الكبير بالظابط 
ردالظابط كان جميل عجبني قاله 
انت ماغلطش في حقي الغلطان هو اللي يعتذر 
لغايه دلوقتي مافيش اخبار عن اي اعتزار 
الظباط هددوا بوقفه احتجاجيه  
ولسه هوس هوس لا حس ولا خبر 
طيب ياعم الحاج حتعمل ايه في الحكايه السوده دي 
ياتري حتخليهم يضغطوا علي الظابط لجل عيون الحيله 
والا حتقنعه بالاعتذار 
والا حتنقلوه في حلايب جزاء تجرئه علي السيد عبدالله حفظه الله ورعاه 
وسدد خطاه وجعله زخرا للوطن
والا حتدوا الملازم احمد حمدي استماره 6 وتريحوا حالكم 
بس في كلمتين واقفين في زوري لازمن حتمن اقولهم 
ياعم الحاج معاليك اذا مش عارف تربي ابنك 
ازاي حتعرف تحكم بلد تعدادها اكتر من 90 مليون ؟
والنبي ابقي خلي الحكومه القنديليه ترد علينا في المؤتمر الجاي 
وتعرفنا ازاي حتعرف تحكمنا وتشكمنا وتطلع علي جتتنا البلاء
ويجعله عامر ياعم الحاج ابو شيماء 
---  
الموضوع التاني هو  الظباط الملتحين 
لما ربوا اللحيه وقفوهم عن العمل 
قوم ايه رفعوا قضيه والحكم جه عوده للعمل 
الداخليه مش عايزه ترجعهم 
طيب وحده وحده نقنع بعض
لما بيدخل  الطالب كليه الشرطه كل يوم الصبح بيحلقوا دقنهم 
وممكن خميس وجمعه يتحبس لو ماكانش حالق كويس 
يعني دخلتوا الشرطه وعارفين النظام 
 حتقولولي سنه عن الرسول عليه الصلاة والسلام 
طيب باقي السنن بتعملوها ؟ طبعا لا  
في حاجه اسمها نظام  للوظائف     ماشين عليه من يوم ما اتخرجتوا 
ايه الجديد 



كده بقي الدخليه اتاخونت 
 الحديث الشريف بيقول 
خفوا اللحيه وقصوا الشوارب 
بالنسبه للحليه قص مازاد عن القبضه 
انتوا شايفين الدقون قد ايه والا انا مزوداها حبتين   
في سنه عن الرسول عليه الصلاة والسلام بتبيح الكحل للرجال 
روي ابن ماجه رحمه الله 
عن عبدالله بن عمر رضي الله عنه 
ان النبي عليه الصلاة والسلام قال 
عليكم بالاثمد - فانه يجلو البصر -  وينبت الشعر 
وصححه الالباني في صحيح جامع 
---
طيب ماهي دي سنه يالله نتكحل كلنا مافيش حد احسن من حد 
وبالمره تغيروا البدل الميري بجلاليب ميري برضه 
بس تكون قصيره  وتحطوا اسبلايت عليه الرتب 
عشان تكمل 
بجد حاجه ترفع الضغط  وتجيب شلل رباعي 
يا اهل الشرطه  راعوا ربنا فينا قبل ما تطلقوا اللحيه 
بطلوا السحل والضرب والتعذيب وبعدين دورا علي السنن واعملوا بيها 
الدين المعامله 
طيب الجيش ماعملش كده ليه ؟
تفتكروا مافيش حد عندهم بيعرف او بيقرا او حتي بيسال 
عن السنن المفروضه 
ياعالم والله حتجنن من اللي بشوفه وبسمعه 
كفايه عليكم كده ومش حتاخر عليكم تاني 
واوعوا اوعوا تقلبوا الصفحه 
ابقوا معي