8‏/8‏/2012

دماء علي الحدود

أعزائي 
الجو حر جدا والصيا م في مصرحوالي 16 ساعه 
ربنا يعنا ويتقبل صيامنا وقيامنا جميعا 
---
16 شهيد من القوات المسلحه في عمر الزهور  استشهدوا في الهجوم الارهابي
علي معبر( كرم أبو سالم) بلاضافه الي 7 مصابين 
الشهداء كانوا بيفطروا  بعد يوم حا ر وطويل 
دول نقول عملوا ايه ؟ او ايه ذنبهم ؟
تم القتل بواسطه3 سيارات (لاند كروز )وداخل كل سياره 3 ملثمايين 
باسحله  ار بي جي
وبمعاونه عناصر من غزه
واللي حاولوا الفرار طاردوهم حتي تم قتلهم 
وكان تسللهم عبر الانفاق من قطاع غزه وعندما حاولوا الهروب 
تم التعامل معهم وده اللي عرفناه بلا اي تفاصيل 
اللي حصل لا اي مله ولا دين تجيزه
واللي اكتر ان الجناه صوروا الضحايا وهما غارقين في دمهم 
ماهو ده نتيجه فتح المعابر ياعم الحاج مرسي 
ويجعله عامر بحسك  وحس المرشد
----
نرجع للرئاسه المصريه 
والمجلس العسكري 
تصرفهم كان غريب جدا  
الفضائيات المصريه كانت بتذيع مسلسلات رمضان 
الفضائيات ذاعت الخبر قبل مصر
ولم يعلنوا الحداد الا في اليوم التالي 
يمكن الحداد بقي قرار امني لازمله اجتماعات وقرارات 
المشير الامير والحاج مرسي 
راحوا يتفقدوا المواقع يوم الاثنين عشان يشوفوا كفاءه قوات الامن المتواجده 
هو لو في سيطره يا سياده المشير كان حصل اللي حصل 
والله انت ولا داري بحاجه انت ومرسيك 
---
اسرائيل كانت حزرت مصر من الحادث قبل وقوعه 
وحزرت رعاياها 
لما يبقي في تحذير حتي لو ماكانش حقيقي كان لازم القوات المسلحه 
تاخذه بعين الاعتباروبلاش تطنش وتعمل حالها مش واخده بالها 
حاليا في تحذير من هجمات علي اهداف بحريه وجويه 
في سيناء والبحر الاحمر 
ياتري حيعملوا حسابهم والا  حيتنبهوا بعد خراب مالطه 
مين اللي استشهدوا مش مصريين ومحسوبين علي القوات المسلحه 
والا محسوبين علي قبائل  الماساي المتواجده في ادغال كينيا 
---

نتنيايو وبراك  زاروا منطقه تدمير المدرعه  
اما عمنا الكبير ادلي ببيانه علي باب القصر  امام سياره الرياسه المرسيدس 
وده بعد 6 ساعات من الاعتداء 
باين في فرق توقيت علي ما وصله الخبر
وكمان السواق كان منتظره في العربيه 
الظاهر انه كان معزوم علي السحور وخايف يتاخر 
لغايه دلوقتي ماصدرش بيان رسمي من رئاسه الجمهوريه !!!
---

---
جنازه عسكريه وشعبيه للشهداء 
بس كانت مهرجله 
صلاة الجنازه تتاخر لعدم وصول الجثامين 
الشرطه العسكريه فضلت شايله الجثامين  امام المنصه حوالي نص ساعه 
المشيعين في منهم وصلوا بعد الجثامين 
اتاخروا وفضلوا منتظرين وفجأه تم التشيع والحاج ماحضرش 
لان المعلومات وصولت بأن ممكن يتعرض لمكره لا سمح الله 
السؤالين لماذا الاستفاده من المعلومات لشأن يخص عم الحاج 
فلازم يتخاف عليه 
اما اللي ماتوا مش مهمين لانهم مش من رموز الدوله 
السؤال التاني للحاج 
ليه كنت عامل في التحرير كوكتيل مكون 
من سوبرمان والرجل الاخضر وفرافيرو 
وبتقول مش لابس قميص واقي من الرصاص
اللي بيخاف مافيش داعي يعمل عنتر
وكمان عايز اعرف هو ليه عفا عن الارهابيين ؟ 
منهم قاموا بتفجيرات الازهر ومنهم اللي قتلوا الضباط 
خيري رمضان الاعلامي الكبير والجليل 
كان بيقول اثناء تشيع الجنازه 
الرئيس مرسي امامكم يبدو متماسكا الاانه بداخله يتمزق 
الما وحسره علي ابنائه 
بس ياخساره الحاج مرسي ماكانش اصلا في الجنازه 
دايما بقول ان اعلامنا اعلام كسيح 
والنبي دي وكاله خالتي أم ترتر بتذيع بيانات حقيقه 
مش التليفزيون المصري بحاله مش عارف يبطل كذب 
ماهو ده اصول فرعنه الرؤساء 
غياب مرسي قدامه علامه استفهااااام كبيره 
نتمني ان نعرفها وكمان نعرف مايدور بالقصر
---
بجد صوره النعوش وجعت قلبي  
واهالي الشهداء حالهم يصعب علي الكافر
ربنا يصبرهم 
ويصبر مصر علي ما بلاها 
واوعوا اوعوا تقلبوا الصفحه 
ابقوا معي