30‏/1‏/2009

الاطفال احباب الله .. واكيد كلنا بنحبهم

أعزائي
تعبنا من المشاكل واحداث غزه
قلت نرتاح شوي ونتمتع بصور الاطفال






































29‏/1‏/2009

بصراحه مش لاقيه عنوان مناسب

أعزائي
يوم الاثنين وانا راجعه البيت سمعت في راديو العربيه اغنيه
انا في الغالب بيكون الراديو مفتوح او السي دي
بس مش بكون منتبهه لكلمات الاغاني ممكن لاني سمعتها كتير
او اكون بفكر في شيء .او معايا حد بحكي وياه
مش عارفه ايه خلاني انتبه لكلمات الاغنيه
كانت لمحرم فؤاد واسمها انا عايز صبيه
من يومها لغايه دلوقتي وانا بفكر في كلماتها
بتلح عليه او بالاحري بتطاردني مش عشان عجباني
لا عشان فرساني بجد مفروسه من كلماتها جدا
السبب ايه مش عارفه بس تعالوا نعرف بتقول ايه
وتفسيري للكلمات دي ايه
بتبتدي بانه بيقول
ان خيروني في بنات العم اخد الكبيره اللي تشيل الهم
وان خيروني في بنات الخاله اخد اللي فيهم عارفه طبعي وحالي
معني كده انه عايز يتجوز اي وحده وخلاص مش مهم
وحده تشيل همه
مش مهم الحب ولا الاعجاب ولا التقارب الذهني
اي وحده فيهم ترضي والسلام
وبيقول انا عايز صبيه يكون جولبها عليه ترسملي ع الطاقيه جلب ويمامه ودار
ده كمان بيتشرط عليها . طيب اذا كانت بليده في الرسم مش حيوافق يتجوزها
وتبقي خسرت فتي الشاشه الاول
وكمان تمسح دمعه بكايا ورموشها تكون غطايا
وان طال الليل معايا كلمتها تكون نهار
كده الطلبات كترت هو بيطلب منها
تمسح دمعته واكيد تغسل هدمته وكمان تطبخ لقمته وتنظف فرشته
ورموشها تكون غطاه علي اعتبار انه بدل مايتلحف السماء يتلحف برموشها
لان الغطاء مش موجود عندهم
مش عشان بيحبها لا سمح الله
ولو طال الليل معاه لازم تنهيه وتخليه نهار . ياعيني
كمان يبقلنا بيت صغير وقمر اخضر ينور وولد دايما يدور عن حاجه يهشها
البيت الصغير ده ممكن بس الغريب اني طول عمري عارفه وبشوف زي ماحضرتكم بتشوفوا
ان القمر ابيض ومنور انما قمره هو اخضر
يمكن زمان كان في الوان او ممكن يكون اخضر عشان لسه ما استواش
ولما يستوي يقلب ابيض .جايز
والولد ايه اللي يهشه ؟
ولسه بيقول وهي تدخل وتطلع تتكلم قلبي يسمع اتكلم هي تسمع وتحب عشها لو حتي مافيش فطار
تتكلم وقلبه يسمع وهو ياحرام اتجوزها عشان رضيت بيه
طيب تحب عشها حنقول تحب ماتحبش ليه
بس ليه مافيش فطار عشان هي قريبته مش حيفطرها
والا الظروف تمنع الفطار اللي هو اهم وجبه في اليوم
لسه ماتقلقوش
اجي في المغربيه تجري م الدار عليه تاخدني من ايديه ونتعشي سوا
يجي اهلا وسهلا نور البيت بس تجري ليه مش البيت صغير يبقي لمايفتح الباب حتشوفه
مش كفايه انها ممكن تكون بتشتغل وبتنزل من غير فطار وبتجري ورا الاتوبيس او الميكروباص
عشان تلحق ترجع تطبخ وتنضف . يعني هي اللي عايزه حد ياخدها من ايديها ويشكرها
مش كفايه انها متجوزه واحد بيتشرط وتلاقيها بتقول المثل بتاع زمان بسمعه من جدتي
قاعده الخزانه ولا جوازه الندامه
اخر الاغنيه
نتكلم في اللي فات وفي اليوم اللي ات ينيمنا السكات ويصحينا الهوي ولينا الف جار
ايه اللي فات اذا كنت متجوزها عشان هي الوحيده اللي رضيت بيك
اي زكريات بينكم زكريات الطفوله لانها وحده من اتنين بنت خالتك او بنت عمك
اليوم اللي ات هو نفسه اليوم اللي فات واليوم اللي انتوا فيه
وينيمكم السكات لان مافيش كلام بتناموا
ويصحيكم الهوي ابقي بس وصيها تقفل الشباك كويس
وكلنا لينا جيران مش انت بس
معليش انا عارفهاستعابي الاغنيه كان مافيهوش رومانسيه مش قادره مفروسه بجد والله من كلماتها
استحملوا الخزعبلات بتاعتي النهارده
واوعوا اوعوا تغيروا المحطه

23‏/1‏/2009

مهما حدث سأظل احبك




أعزائي

واحد من اصحابي بعتلي اول صوره المكتوب فيها

مدونه زهره البنفسج
بشكره كتير علي ذوقه

احترت اقدمها ازاي بس لقيت ان احسن حاجه اني اكلمكم عن
زهورالبنفسج

لغه الازهار او بالاحري لغه القلوب

بتقول ان لكل نوع من الزهور رمز او لغه

استعملت للتعبير عن المشاعر والاحساس

والورده البنفسجيه بتعني الحب للآخرين

وزهره البنفسج للحب الصامت المتأجج
وزهور البنفسج بتخاطب المرأة الخجول
وفي حوار بيكون بين الورده والانثي

المرأة لما تبعت للرجل زهور البنفسج معناها انها بتقوله

( مهما حدث سأظل احبك )

وعمنا صالح عبد الحي غني للبنفسج

من كلمات بيرم التونسي

والحان رياض السنباطي

بس ياتري كام واحد سمع الاغنيه او بالاحري تمعن في كلماتها

تعالوا نقرا مع بعض ونشوف قال ايه عن البنفسج

ليه يابنفسج بتبهج وانت زهر حزين

والعين تتابعك وطبعك محتشم ورزين

ملفوف وزاهي ياساهي لم يبوح للعين

بكلمه منك كانك سر بين اتنين

حسنك بكونك بلونك تبهج المقهور

واللي يزوره سميره في الظلام مستور

حطوك خميله جميله فوق صدور الغيد

تسمع وتسرق يا أزرق همسه التنهيد

اسمع وقولي مين اللي قال معايا آه

بقولها وحدي لوحدي والاسي هواه

فعلا الله علي اغاني زمان
اغاني جميله حقيقي مش زي اغاني التيك اواي
والاصوات اللي مش بنعرفهم من بعض
كله زي بعضه
بلا طعم ولا لون ولا رائحه
اقولكم ابقوا معي واوعوا اوعوا تفكروا تغيروا المحطه






20‏/1‏/2009

عريس البيت الابيض


أعزائي
طبعا كلنا شفنا الفرح اللي بثته جميع القنوات الفضائيه
يعني مافيش داعي اقول اي شيء عن عرس القرن الواحد وعشرين
بيقولوا ازمه اقتصاديه طب لو مافيش ازمه كان الفرح اتكلف كام
معليش انا عايزه انم شوي
مش حلو ابدا فستان ميشيل موديل عجيب والتطريز اللي فيه اعجب
حتي لونه مايمشيش ابدا وياها
مش فاهمه هي مش بتعرف تختار
طيب مافي ناس مهمتهم الاختيار
تعرفوا المثل اللي بيقول بوظوا الطبخه علي شوي ملح
ده ينطبق تماما علي اختيار الملابس بالنسبه لمشيل
حتي بناتها كان لازم يكون الاختيار افضل من كده
بالنسبه لملابسهم علي الاقل النهارده
اول مره اشوف الروز بيللبسوا عليه اورنج
الوان مش متناسقه خالص
المفروض في بروتوكول لكل شيء
معليش انا النهارده بحكي من وجه نظر حريمي بحت
اوعوا تزعلوا عشان ميشيل وتغيروا المحطه

15‏/1‏/2009

زياره سريعه لمعبر رفح





























أعزائي
اتحركنا عند الفجر وصلنا العريش وبعدها الي رفح
النقط المروريه سهله يعني مافيش فيها تعقيد
مافيش اي كلام يعبر علي اللي موجودهناك
المنطقه الواقعه بين مصر وغزه بتتكون من بوابتين
بتفصلهم مسافه بين الداخل والخارج
وعند البوابتين مجموعه من الامن ولازم المرور علي الجانبين
للتحقق من الشخصيه والفحص الجمركي والامني
بيقال ان كان في شوارع جميله وارصفه وشجر انما مابقاش في الحاجات دي
حتي ياربي المساجد ماسلمتش من الغزو
مئات من المراسلين والقنوات الفضائيه ومحطات بث فضائي علي معبر رفح الحدودي
تم اليوم ادخال 5405 طن مستلزمات طبيه وادويه
وخروج 18 جريحا و19 مرافقا لهم الي القاهره
وكذلك خروج عائله جزائريه مكونه من 5 اشخاص
كما تم ادخال 359 طن مواد غذائيه من معبر العوجا المشترك بين مصر واسرائيل
دكتور محمد غنيم استاذ زراعه الكلي بجامعه المنصوره سمح له بالدخول
ومعه 28 طبيب مصري في جميع التخصصات
وطبيب دنمركي وطبيبان من البحرين و3 اطباءيمنين
عدد سيارات الاسعاف المصريه هناك 25 تنقل الجرحي بعد تعذر وصول السيارات الفلسطينيه
المسافه من رفح الي غزه 40 كم تقطعها سيارات الاسعاف المصريه في 7 ساعات
لكثره عدد الحواجز المروريه
اهدي الحزب الوطني للهلال الاحمر 8 سيارات اسعاف مجهزه
و28 حافله تضم 7 وحدات للرعايه المركزه وثلاجه لحفظ الدم
واسره للعمليات وخيوط للجراحه وادويه
وصلت امس سيارات الاسعاف المرسله بالجهود الذاتيه
من المصرين وادويه من حمله التبرعات التي تبنها برنامج القاهره اليوم
ومستشفي وادي النيل
الغارات مستمره والجميع متعايش معها ولا تشكل لديهم اي نوع من انواع الخوف
الشيخ عبد الستار وابنه جواد يقدموا الوجبات للمراسلين واي زائر لرفح
ويوفراماكن لمبيت من يريد البقاء لليل
قدم الينا الطعام والشاي, ورفض التصوير
وعودنا بعد رحله شاقه
الهم ارحم شهداء غزه
وابقوا معي







12‏/1‏/2009

هولوكوست موديل 2009








إضافة صورة







أعزائي
لليوم السابع عشر علي التوالي والمجازر الاسرائيليه
وشلالات الدم والرصاص المصوب علي اهل غزه
ارتفع عدد الشهداء حتي قارب من 1000 شهيد
بينهم270 طفلا و98 امرأه و4 صحفيين
12 من رجال الاسعاف و92 كبار السن
وعدد الجرحي اكثر من 4000 جريح
اسرائيل اقدر من هتلر في ارتكاب المذابح والمحارق في اهل غزه
تكلفه الحرب بلغت 100 مليون شيكل
بما يعادل 27 مليون دولار يوميا
واذا استمرت الحرب شهر وهي بالفعل قاربت من الشهر
ستكون التكلفه 6 مليار شيكل
اكد وزير الخارجيه المصري احمد ابو الغيط
ان مصر تضغط علي اسرائيل لوقف اطلاق النار وقفا مؤقتا
وتحويله فيما بعد الي وقف نهائي
كما اوضح ان مصر ستقوم بفتح معبر رفح مدام غير معرض للقصف الاسرائيلي
لان مصر تغلقه عند القصف خوفا من تعرض الداخلون والخارجون للخطر
واشار ان معبر ( كرم ابو سالم ) يخضع للسلطه الاسرائيليه
من الجانب الاخر
واكد انه لن تكون هناك اي قوات دوليه علي الجانب المصري
علي الحدود مع غزه
كما اكد ان لدي مصر القدره علي السيطره علي محور فيلادلفيا
واوضح ان مهمه مصر ليس تعزيز القدرات للحرب
ولكن مهمتها هي مساعده الشعب الفلسطيني علي الحياه في آمان
ولن تفتح الابواب لكي يعبر السلاح
اعلنت الامم المتحده ان وكاله ( الاونروا ) غوث اللاجئيين
ستعاود توزيع المساعدات علي الفلسطينين
بعد حصولها علي ضمانات امنيه من اسرائيل
كما اعلن الدكتور احمد عبدالوهاب رئيس الفريق الطبي برفح
ان الجرحي الفلسطينين الذين يدخلون معبر رفح
من كبار السن والاطفال والنساء تم ارسال 186 حاله
الي مستشفي العريش ومبارك العسكري بمدينه نصر
ومستشفي فلسطين بمصر الجديده
كما شهد مطار العريش الدولي اعلي معدل طائرت اغاثه
للفلسطينين وبلغ عددها منذ بدء الهجوم الاسرائيلي لغزه
تسعون طائره
هل هي رساله من اسرائيل لاوباما بعد ان اعلن انه سيقسم اليمين
يوم 20 الجاري باسم
بارك حسين اوباما
ام انه كلام للاستهلاك المحلي او ( طق حنك )
ويامل في وقف المجزره قبل توليه الاداره الامريكيه
وهل سيغير المصالح الاساسيه في الشرق الاوسط ؟
يبرر صمته بالحرص علي وجود بوش رئيسا للولايات المتحده
خاصا فيما يتعلق بالسياسه الخارجيه ولكنه من ناحيه اخري تجاوز بوش
فيما يختص بالازمه الماليه والشئون الداخليه
الظاهر ان احمد غير الحاج احمد
هناك فرق لا يعلمه الا هو
الغريب واللافت للنظر فعلا هو ان كل الوزراء المصريين
ادلوا بتصريحات تشجب هذه المزبحه
الا رئيس الوزراء السيد احمد نظيف لم يدلي باي تصريح
وملتزم الصمت فالي متي سيظل صامتا ؟ ولماذا ؟
الي متي ستظل هذه المزبحه ارحموا الاطفال والنساء وكبار السن
الرحمه موجوده في جميع الديانات
اليهوديه والمسيحيه والاسلام
ارحموا من في الارض يرحمكم من في السماء
وابقوا معي












4‏/1‏/2009

بابا قال مانلعبش مع البنات الوحشه

أعزائي
بصراحه ماكنتش عايزه اكتب عن غزه
بالرغم من ان قلبي اتوجع علي الحاصل لاهلها
وبعد ما اعتكفت يومين ماليش شغله الا اني اتابع الفضائيات
لقيت اني مش قادره
معقول 750 غاره في 8 ايام
و500 صاروخ وبين كل غاره والتانيه اقل من تلت ساعه
والحصيله
467 شهيد منهم 75 طفل و21 امرأة
2290 جريح
ولسه حصيله الهجوم البري
ده مين يستحمل
فين جمعيات حقوق الانسان ؟ فين مجلس الآمن ؟
امتي العرب حيتحدوا والا هما اتفقوا علي شيء واحد وهو
الا يتحدوا
فين وعد بوش بدوله مستقله للفلسطينيين ؟
فين الطفل المدلل اوباما
مش قادر حتي يصدر بيان يطالب بوقف العدوان علي الابرياء العزل
معليش اصله مشغول بيستعد لتولي السلطه وملتزم الصمت
مش قادر يطالب بوقف العدوان علي الابرياء
الشيوخ والنساء والاطفال العزل
الغارات ابادت مدرسه امريكيه لاولاد الصفوه الفلسطينيين
وجسر وادي غزه اللي بيربط بين وسط القطاع وجنوبه
ومنطقه الانفاق بجنوب القطاع
تركزت الحرب علي الشريط الحدودي لقطاع غزه بواسطه
( الطائره الرنانه )
اللي بيعقبها اطلاق الصواريخ
علي بعد امتار من اهالي رفح المصريين
حقيقي فيه وجود امني علي ال 10 كم الملاصقه لقطاع غزه
لتامين وسلامه اهالي رفح
لكن مافيش فواصل بين المكان اللي بيطلقوا فيه الصواريخ
وبين ارضنا المصريه
ولو سلمنا بآن الطائرات بتحدد الهدف
قد تخطيء طائره الهدف
الغلط وارد وجل من لا يسهو
فماذا ستكون النتيجه ؟
مظاهرات في كل مكان في العالم
ولكن ؟؟؟؟؟
امريكا تبعث يوميا 15 مليون دولار لاسرائيل للقصف
وادلي بهذا الخبر بريان بيكر
منسق ( تحالف آنسر )
وهو المنظم الرئيسي للمظاهرات الامريكيه المناهضه
للعدوان الاسرائيلي
السيد حسن نصر الله
يلقي اتهاماته ويطالب المصريين بالضغط علي الحكومه
لفتح معبر رفح
المشكله بقت معبر رفح ونسيوا كل شيء
الدمار والخراب اللي حل لاهل غزه
ولكن المصريين لم يتخلوا عن واجبهم نحو اخوتهم الفلسطينيين
حماس تريد فتح المعبر لنقل 750 الف من مواطني غزه
للاقامه بسيناء ويستوطنوا فيها
وكذلك نقل الباقي من مواطني الضفه الي نهر الاردن
وتنتهي المشكله بانتهاء القضيه الفلسطينيه
ولكن ماذا فعل السيد نصرالله ولديه الصواريخ الكافيه لمسانده الفلسطينيين
هل من اجابه ؟
ابقوا معي

2‏/1‏/2009

اذا وجبت الصلاة صلي في اي مكان















أعزائي
كل عام وانتم جميعا سالمين بمناسبه العامين الهجري والميلادي
الحقيقه امس جاتلي رساله من شخص ماعجبتنيش خالص
النهارده بعد صلاه الجمعه سالت شيخ المسجد اللي بصلي فيه
قلتله مضمون الرساله قالي ردي عملي
وبم ان المدونه ممكن ارد عليها عمليا حرد بالاتي
قال رسول الله صلى الله عليه وآله و سلم
يأتي زمان علي أمتي يحبون خمس و ينسون خمس
يحبون الدنيا و ينسون الآخرة
يحبون المال و ينسون الحساب
يحبون المخلوق و ينسون الخالق
يحبون القصورو ينسون القبور
يحبون المعصية و ينسون التوبة
فإن كان الأمر كذلك
ابتلاهم الله بالغلاء و الوباء و موت الفجأة و جور الحكام
قال رسول الله صلى الله عليه وآله و سلم
من صلى علي في يوم ألف صلاة لم يمت حتى يبشر بالجنه
و قال صلى الله عليه وآله وسلم
من صلى علي في يوم مائة مرة قضى الله له مائة حاجة
سبعين منها لآخرته و ثلاثين منها لدنياه
و قال صلى الله عليه وآله وسلم
من صلى على حين يصبح عشرا وحين يمسى عشرا أدركته شفاعتي يوم القيامه
و قال صلى الله عليه وآله وسلم
من صلى علي واحدة صلى الله عليه عشر صلوات
وحط عنه عشر خطيئات ورفع له عشر درجات
و قال صلى الله عليه وآله وسلم
ما من أحد يسلم علي إلا رد الله علي روحي حتى أرد عليه السلام
و قال صلى الله عليه وآله و سلم
ان أولى الناس بي يوم القيامة أكثرهم علي صلاة
إذا ضاقت بك الدنيا فلا تقل
يا رب عندي هم كبير
لكن قل
يا هم لي رب كبيــــــــــر
قل الكلمات الحلوة هذه
اللهم صلي على محمد وعلى آل محمد كما صليت على إبراهيم وعلى آل إبراهيم إنك حميد مجيد
اللهم بارك على محمد وعلى آل محمد كما باركت على إبراهيم وعلى آل إبراهيم انك حميد مجيد
انتهت رسالتي
بس الحقيقه انا بشكر اللي بعتلي الرساله المستفذه
لانه خلاني اخد ثواب بردي هناعلي الرساله
وبقول اهلا بالاستفذاذ اذا كانت نتيجته ثواب
ابقوا معي