1‏/7‏/2012

تساؤلات رئاسيه

أعزائي 
مبروك لكل المصريين الحكم المدني 
بعد الحكم العسكراللي خنقنا مده 60 سنه 
طبعا شعور جديد اول مره نحسه 
بعد هوجه الانتخابات والدوشه وانتظار النتيجه اللي عذبونا لغايه ماعرفنا مين حيكون 
عريس المحروسه 
اسفرت علي الدكتور محمد مرسي 
طبعا  مش كل المصريين مرتاحين او قابلين نتيجه الصناديق 
بس لازم كلنا نرضي بالامر الواقع   , ماهي دي الديمقراطيه 
تعالوا بقي نتكلم في المهم 
معليش خدوني علي قد عقلي  انا اصل فهمي بطيء حبتين 
محتاره من اللي بشوفه وبسمعه 
القسم الاول كان في التحرير 
وكان قسم جماهيري 
ممكن نعتبره قسم كاجوال 
الرئيس الجديد فتح الجاكت وقال انه مش لابس قميص واقي للرصاص 
ومنع الحرس اللي حواليه من انهم يحموه ويشبكوا ايديهم في ايدين بعض 
كان احساسي ساعتها ان الحرس رايح في حمايه الحاج مرسي 
مش العكس وطبعا ده الجديد اللي مش واخدين عليه 



القسم الكاجوااال  
----

اما القسم التاني الرسمي او القسم الفورمال 
كان امام المحكمه الدستوريه 
اتحسم الجدل وهو اللي راح يقسم بنفسه امام القضاه 
لان المحكمه  ماعندهاش دليفري تبعته للحاج مرسي 


قسم فورماااااال
---
 
 تعالوابقي اسالكم وزي ما اتفقنا ان انا  فهمي علي قدي 
ازاي رفض الاعلان الدستوري المكمل 
وحلف انه حيحترمه ؟
---
حلف اليمين امام المحكمه الدستوريه 
ورفض حل مجلس الشعب 
بس قال انه بيحترم احكام القضاء؟
---
هتف في التحرير  كانه زعيم مش رئيس جمهوريه
ثوار احرار حنكمل المشوار 
قال انه حيرجع الجيش لسكناته 
وبيشكر المجلس العسكري وعارف تعبوا قد ايه ؟
وقالهم انه عايزهم وحيكرمهم 
وكان بيهتف في الميدان مع الاخوان 
يسقط يسقط حكم العسكر ؟
---
مش حسالكم المستقبل حيكون ازاي ؟
لان المستقبل بيدالله وحده 
هل الرئيس له رئيس ؟ والرئيس ده هو المرشد ؟
وهل كلام المرشد ماينزلش الارض والا حيكون كلامه زي حنفي 
وكل مره يقول خلاص ينزل المره دي ؟
هل الشعب حيكون له حريه في اللبس 
بمعني ان مايتفرضش عليه لبس معين ؟
هل وجود المرجعيه الدينيه حتفضل برضه 
للازهر والكنيسه  والا حتبقي للمرشد ؟
المسيحيين حيقدروا يبنوا الكنائس  بدون اعتراض ولا عقبات ؟
---
عندي فضول لمعرفه المطبخ السياسي للرئيس 
او بالاحري مطبخ الحاج مرسي 
ازاي بيفكر ؟ ازاي حيشكل الحكومه ؟
مين نوابه ؟ مين رئيس الوزراء ؟
هل سيوقع الرئيس علي القرارت او سيتولي ذلك غيره؟
هلي سيتصرف بارادته ام ستصادر هذه الاراده ؟
هلي سيستمع لاحد او بالعربي حيدي ودنه لحد ؟
 اللي صوتوا لشفيق ياراجل اصبحوا من الجماعه المحظورة ؟
هل استقال الحاج مرسي من حزب الحريه والعداله ؟
هو قال بس انه رئيس كل المصريين !
 ---
بتمني ان الدين يصل لاهل السياسه يصحي ضمايرهم 
ومش بتمني ان اهل الدين يوصلوا للسياسه 
---
الشيخ اللي من سينا اهدي الحاج مرسي عباءته 
كنت اتمني انه مايقبلهاش 
لان ده ممكن يكون مفتاح لهدايه اكبر 
---
الحاج مرسي فاز ب52% من الاصوات في الانتخابات 
والنسبه ارتفعت بعد قسم التحرير ل 57%
وبعد قسم الدستوريه اصبح 60%
ودي نسبه بعتقد كويسه جدا 
لان مش في يوم وليله ال48% اللي انتخبوا شفيق 
حيغيروا رأيهم
---
اللي عايزينه من شعب مصر 
اننا مانعملش فرعون جديد زي ماعملنا مع مبارك 
المعارضه بحضاره وليس استسلام وجبن 
 --- 
اما دموع الرئيس في صلاة الجمعه 
كتير زعلانين لانهم مش عايزين الرئيس يبكي 
بس في الاول والآخر هو بني ادم 
له احساس وشعور وبيزعل وبيفرح 
الدموع عمرها ماكانت ضعف 
مرات بتكون الدموع منتهي القوة 
--- 
الصوره دي بتورينا تواضع الحاج مرسي 
يارب يفضل كده علي طول 
وياريت بلاش نفرعنه ويبقي عندنا فرعون جديد 
 

  
---
ننتقل بقي للحاجه نجلاء 
حرم الحاج مرسي
 
 
زوجه الرئيس مصره علي انها الخادمه الاولي 
براحتها خالص بس الي متي سيظل هذا الكلام ؟
هي طبيعي بتنتمي لجماعه الاخوان المسلمين 
وبتقول انه مسئول عن شوؤن البلاد 
لان الاسلام يأمره بذلك 
السؤال هل الرؤساء الاجانب ليسوا مسئولون عن شئون بلادهم 
علي اعتبار انهم مش مسلمين 
أن الاوان لنبعد الدين عن السياسه 
--- 
أخر حاجه بسال عنها 
  البرادعي  وعبدالجليل مصطفي  ودكتور غنيم 
وشباب الثوره  وياتري حيكون لهم دور في مصرالجديده 
وياريت ماننساش ان الثوره ماكانتش ثوره الاخوان 
---
اللي بتمني تحقيقه وكتير غيري بيتمنوه 
سهوله المعيشه واخضرار الارض 
بلاش مليونيات  بتضيع وقتنا وطاقتنا 
وتخرب الاقتصاد والسياحه 
وبتاخد في وشها الاستقرار  والطمانينه  والامان 
---
ومنتظرين نشوف ال100 يوم الاولي في حكم الحاج مرسي  
حتوصلنا لايه 
ربنا يحمي مصر 
ويوفق الحاج لاداره الهم المتلتل اللي منتظره
واوعوا اوعوا تقلبوا الصفحه 
ابقوا معي
 



 
 
 

هناك 6 تعليقات:

غير معرف يقول...

لولا الغاليه
مقالك جميل ودمه خفيف زيك بالظبط
انتي مش عايزه تقولي الرئيس بتقولي الحاج , شفتي بقي انا فاقسك ازاي
كل تسائلاتك في محلها , املنا انه يخلف ظننا ويطلع كويس , برضه بطلب منك بلاش كل حاجه تاخديها علي اعصابك الهدوءيالولا
ارحمي نفسك شويه
كل الحب للغاليه لولا
دكتور مهندس احمد الجمال

غير معرف يقول...

لولا الغاليه
مقالك جميل ودمه خفيف زيك بالظبط
انتي مش عايزه تقولي الرئيس بتقولي الحاج , شفتي بقي انا فاقسك ازاي
كل تسائلاتك في محلها , املنا انه يخلف ظننا ويطلع كويس , برضه بطلب منك بلاش كل حاجه تاخديها علي اعصابك الهدوءيالولا
ارحمي نفسك شويه
كل الحب للغاليه لولا
دكتور مهندس احمد الجمال

غير معرف يقول...

لولا الغاليه
مقالك جميل ودمه خفيف زيك بالظبط
انتي مش عايزه تقولي الرئيس بتقولي الحاج , شفتي بقي انا فاقسك ازاي
كل تسائلاتك في محلها , املنا انه يخلف ظننا ويطلع كويس , برضه بطلب منك بلاش كل حاجه تاخديها علي اعصابك الهدوءيالولا
ارحمي نفسك شويه
كل الحب للغاليه لولا
دكتور مهندس احمد الجمال

غير معرف يقول...

لولا الغاليه
مقالك جميل ودمه خفيف زيك بالظبط
انتي مش عايزه تقولي الرئيس بتقولي الحاج , شفتي بقي انا فاقسك ازاي
كل تسائلاتك في محلها , املنا انه يخلف ظننا ويطلع كويس , برضه بطلب منك بلاش كل حاجه تاخديها علي اعصابك الهدوءيالولا
ارحمي نفسك شويه
كل الحب للغاليه لولا
دكتور مهندس احمد الجمال

غير معرف يقول...

تحياتى يا سندريلا \\ مش عارف ليه احنا بننسى أن رئيس مصر المنتخب هو صناعه الله أولا ثم صناعه أخوانيه مين فينا كان يعرفه مين فينا كان يعرف تاريخه مين فينا قام بعمل دعايه له فى الرئاسه قبل مأقول مبروك لمصر أقول مبروك للأخوان المسلمين لانهم اهدو مصر هديه صناعه أسلاميه لماذ نحارب أسلامنا بنفسنا بجد شىء غريب اى حزب بيتقدم للأنتخبات بيتقدم حتى يقوم بتنفيذ فكره ومنهجه ونحن خاربنا الرجل وطلبنا منه اى يبتعد عن المرشد وعن الحزب هل يحدث ذالك فى البلاد العريقه فى الديمقراطيه نعم سوف يستعين بالمرشد وفى نفس الوقت سوف يستعين بكل الفصائل وله القرار أولا وأخيرا لانه المسؤل أمام التاريخ وأمام الله وليس أحدا غيره شكرا للأخوان المسلمين برغم اخطائهم الكثيره ولاكن ثبت بالفعل انهم الوحيدون المتميزون الى الان
تحياتى \ هشـــام أبو عيش

Räumung يقول...

شكرا ع الموضوع