أعزائي
رمضان بكره وكل عام وانتم جميعا بخير
وربنا يتقبل صيامكم وقيامكم
ويجعلنا واياكم من عتقاء الشهر الكريم
عنوان المقاله مش عشان رمضان وكلنا بنحب نشرب التمر هندي فيه
انما ده انعكاس لحالة البلد واللي بيحصل فيها
مليونيه الجمعة كانت مليونيه التفرقه
كان حقهم يطلقوا عليها مليونيه بعثرة شمل مصر
او مليونيه تفريق الشعب والثورة
الاخوان والسلفيون كان هتافهم وبحماس شديد جدا
اسلاميه اسلاميه
حاسينا ان هما بس المسلمين واحنا مسلمين بالاسم فقط
زي مايكون الدين الاسلامي حكر ليهم
انا مش بهاجم لا الاخوان ولا السلفيون
لاني لا من دول ولا دول معتدله بفكر واعقلها
مش تبع اي تيار ولا اي حزب
الا حزب وداد قلبي
يعني انا رئيسه جمهوريه نفسي
طبعا انسحب كتير من القوي السياسية
والقوي المدنيه قدرت بعد المغرب ترفع المصحف والصليب
وتعلن تمسكها بالوحده الوطنيه
تعالوا بقي نتكلم عن حاله البلد
المجلس العسكري بيتسم اداءه بالغموض
يعني مابقناش عارفين هو معانا والا علينا
بيتفرج علي حاله العنف وساكت
لا بيوقف العنف ضد المتظاهرين ودي ممكن يكون نتيجتها
حرب اهليه لانقسام الشارع المصري
عندي اسئله كتيره للمجلس العسكري
ومش لاقيه لها اجابات تعالوا نسال مع بعض يمكن نلاقي اجابه
المجلس العسكري بطيء جدا في كل شيء
وده بيخليني اسال
اهو بطيء ؟ ام تواطؤ ؟ او حسن نيه؟
وعايزه جواب نهائي وممكن نريح مصر
مش عايزين نربح المليون
والا يمكن الادوات مش بتساعده
زي القضاء
فهل عدد القضايا كبير ؟
وعدد القضاه اقل مما يجب ؟
ولماذا لم يقوموا وكلاء النيابه بتحويل القضايا
الي المحاكم ؟
اهو لعدم كفايه الادلة ؟
ام هو تاخير من النائب العام ؟ولماذا ؟
فهل يجب ان يضغط الشعب لكي يظهر اتهام
والاتهام يلزمه 15 يوم في 15 يوم في 15 يوم
وبدون ثبوت تهم
ممكن نقول ده مسكن للشعب عشان يسكت!
وكيف تحولت بيانات المجلس العسكري المقبولة
الي وصف تيارات مصرية بالخيانة دون اي دليل
انا بعرف ان الاتهامات بالخيانه تصدر من النيابه والمحاكم
وليس من العسكر ولا وسائل الاعلام
الحل هو
جدول زمني معلن لتسليم السلطة للشعب صاحب الثورة
لان كل تاخير في انتقال السلطةيعتبر جريمةفي حق مصر
ويعود الجيش لسكناته والمحافظه علي حدود الوطن وامنه القومي
لاننا نرفض تماما اداء كااداء مبارك الطاغيه
والفرق بين الطاغية والمجلس العسكري
ان الثاني قائد مؤسسه منضبطه من مؤسسات مصر
ونحن لا نقبل باي حال من الاحوال خلخله تماسك الجيش
الثورة فعلا في خطراو بالاحري
الثورة في عرض البحر تحتاج لربان ماهر
ومطالب الشعب هي الامن والامان للوطن والمواطن
واوعوا اوعوا تقلبوا الصفحه
ابقوا معي
هناك 3 تعليقات:
السلام عليكم استاذه لينا كل سنه وحضرتك طيبه انتي والاسره الكريمه ربنا يعود علينا وعليكم الايام بخير بالنسبه لمقال حضرتك تعتقدي انه المجلس العسكري هيترك الحكم طيب اديني اماره امتي العسكر تركوا الحكم هذه واحده الثانيه هل تصفات المجلس العسكري تنبئ بانهم سيتركون الحكم لم يترك من العسكر الحكم الا سوار الذهب فقط لم تحدث قبل ذلك وهسال سؤال هل هناك علاقه بين ما حدث بالعريش من هجوم واختراق للامن القومي المصري وبين ماحدث بميدان التحرير فكروا شويه وابقوا قولوا لي والسلام عليكم وكل عام وانتم بخير
راق لي ما كتبت ...
يسعدني أن تكوني من متابعي مدونتي :
http://thusmylife.blogspot.com/
المفيد فى الوضع المصرى الفريد دى بالوظه حمراء لكن غير متماسكه تهتز وكل سنه وانت طيبه وخير الكلام ماقل ودل اثرت السكوت والسكون اثناء وجودى بالمستشفى علنى اهدء لكن قلمى غطط وغلس وبستين راى هتى انى القيت بهاتفى فى بحر النيل وخرجت الخميس الماضى لاجد جدلا غير واضح المعالم القصد منه ثبات بعض من الماضى فى الحاضر ترقيع فى الجسد او البناء ولذا اسميتها بالوظه
إرسال تعليق