16‏/8‏/2009

بطلة الآحلام

أعزائي
دي القصيده رقم 3 لشاعرنا محمود الخطيب
انشاءالله حتعجبكم واتمني اكون وفقت في اختيار الصورة


زى ما شوفت اللى قبلك..
شوفتك انتى بتخدعى نص البلد
تضحكى للى انتى عايزه تضحكيله..
تهمسى للى انتى عايزه تهمسيله..
تاخدى اللى فيهم يعجبك ..وتلفى ويّاه البلد..
...
تكتبى اسمك واسمه فوق مسله فى الميدان ..
ترسمى قلبك وقلبه فوق اساميكو كمان
ترقصوا الرقصه الجديده..
تضحكوا الضحكه السعيده..
وتسبيه فى نفس المكان..
اللى سبتى فيه ما قبله ..يوم ما كنتى معاه زمان..
...
اللى كان يعجبى فيكى ..
انك انتى بتقدرى بين يوم وليله تغيّرى..
انسان حديد مخدوع بحبك ..لولشخصه تقدّرى
تقنعيه انك حبيبته .. وان طبعك من طبيعته..
واما يشعر بالامان..ترمى قلبه فى التراب...
...
شىء طبيعى من بنيّه لسه فى بداية السنين
سايقه الدلال على قدّها .. شايفه الكتيرم المعجبين
اللىيكتب شعر فيها ..واللى يوصف فى عنيها ..
واللى يطلب انها.. تكتبله مره كلمتين.
واما دورك جه عليا لجل اكون بطل الروايه..
ابتديتى تعدّى ليّا الكمين زى الضحايا...
نظره ..همسه ..كلمتين..بسمه صفرا ضحكتين..
وتضيّعى ايام هنايا....
.لأ يابطله الاحــــــلام كفايه..
آخر خطوط الغدر وصلت للنهايه.
مش انا الى بسهوله يمكنك ان تخدعيه..
مش انا اللى بكلامك..تفرحى وتفرحيه
مش كل طير فى الدنيا دى ياكله البشر..
مش كل طير فى الدنيا يقدر ع السفر ..
وانا قلبى عاش كام تجربه..وقفل الكتاب
انا قلبى شـــاب..
وانا لسه فى بدايه الشباب.
...
فعلا مش كل طير في الدنيا يقدر ع السفر
اوعوا تقلبوا الصفحه
ابقوا معي

هناك 8 تعليقات:

غير معرف يقول...

لولا الغاليه
انا دخلت المدونه بالصدفه لقيت قصيده جديده جميله
شاعرنا الخطيب ابدعاته متميزه
كل عام وانتي وجميع قراءك بخير
رمضان كريم
كل الحب للولا
دكتور احمد الجمال

غير معرف يقول...

ليلي العزيزه تحياتى..لم اتخليل وانا اكتب القصيده صوره هذه الفتاه .. لكنك اضفتى باحساسك المرهف جمالا غير منتظر يؤكده ماكتبناه..ليلي اري فيكى اعلاميه لو فكرت فى ذلك لتسابقت عليها كل الفضائيات العربيه ..شكرا على اهتماك..والى مزيد من التعاون..تحياتى..محمود صابر الخطيب

غير معرف يقول...

كــــل عام وحضرتك بخيـــر وجميع افراد اسرتك الصغيـــره والكبيـــره

رمــــضـــا ن كــــــريم

معـــرفش ليه للأ ول مره فى حيـــاتى اشعـــر بالغيـــره من شــاعرنا الجميل حسيت انى -----=======- - كـــــــــنت هاقـــــولهـــــااااااااااااااا

هشــــام ابو عيــش

غير معرف يقول...

ليلي هانم
قصيده جميله وصوره ايضا جميله
اعتقد التعليق اللي علقه شاعرنا الخطيب بيحثك علي العمل في الفضائيات
ياريت تسمعي الكلام
كل الود
دكتور محمد عمر

غير معرف يقول...

الله عليك ياملك الله عليك وعلى وصفك للحب والدنيا لما بتخدع وتضحك على الى يسلم نفسه وقلبه . خلاص مابقاش فيه امان .
عماد خضر

غير معرف يقول...

الله عليك ياملك الله عليك وعلى وصفك للحب والدنيا لما بتخدع وتضحك على الى يسلم نفسه وقلبه . خلاص مابقاش فيه امان .
عماد خضر

dalia mohsen moustafa يقول...

كلنا إلى رحيل ..
كلنا إلى رحيل مكتوب على الجبين..

قد يرحلون بــاجساد ..قد يرحلون .
قد يرحلون بــ أعمارنا ..قد يرحلون .

قد نرحل نحن من أيامهم ..قد يكون .
قد يتركون ساحاتنا و يهيمون .. قد يكون .
قد يرحلون ومعهم أحلامنا المشتراهـ بــ أعمارنا ..قد يكون.
قد نرحل نحن بهم ومعهم..
ترى هل يوما برحيلنا يذكرونا ..!
ما عادت نفس الاسئلة لها ذات الرنين
ولا عادت الاجوبة تشفى ذات النفس الظمآنة .
حتى ما عاد للرحيل من ألوان ..!


سيدى ..


حضرت أنفش فى محراب الوداع و الخداع نقوش متوشمة بها نفس كسيرة
لكن ستحيا النفوس دامها على حق .

شكرا لنزف صارخ بخنجر الآلمـ

وتقبل مرورى ..


الصمت ..؛

غير معرف يقول...

صديقى العزيز شاعرنا الجميل محمود
ليتني امتلك من الكلمات ما يمكنني من التعبير عن مدى اعجابي بقصيدتك الرائعة التي عبرت بها وبلسان سهل بسيط عن حال حب هذا الزمان بين خادعة ومخدوعين .  
حادي بادي