اعزائي
نتيجه الانتخابات خلاص اتحسمت وحيكون عريس مصر القادم
واحد من اتنين دكتور محمد مرسي ممثل جماعه الاخوان
او الفريق شفيق رئيس وزراء المخلوع
او النظام البائد
لم نتوقع خروج الثوره من الانتخابات بخفي حنين
بعد استشهاد المئات من اجل حريه الشعب المصري
الحقيقه خيار مر
الشعب المصري حيستجير من الرمضاء بالنار
---
الحقيقه بقي كل من هب ودب يدلي بتصريحات
في تصريح من التصريحات البلهاء بيقول
الاقباط يعتذروا لانهم صوتوا لشفيق
فين بقي الديمقراطيه ؟
كل فرد في الشعب المصري ايا كان دينه له حريه التصويت وده حقه الدستوري
واكيد مش كلهم صوتوا لشفيق تنوعوا في التصويت
اللي صوتوا لشفيق اعتقد ان عندهم حق
لانه ماقدمش الرعب زي الاسلاميين اللي منهم طالبوا بفرض الجزيه
ومنهم من حذر من التعامل معهم
وتصريحات تانيه كتير
وطبعا هما مش حيرضوا يتعاملوا كالاغراب في بلدهم
وكان ده السبب في ان جزء منهم ادوا شفيق اصوتهم
---
نكته علي الفيس بوك اطلقتها الصديقه سالي سمرات قالت
لو انتخبنا شفيق حانضيع حق الاموات
ولو انتخبنا مرسي حنضيع حق الاحياء والاموات
بصراحه معاها كل الحق
---
نشوف بقي ليه
لو انتخبنا مرسي
حنسلم البلد بالكامل بسلطاتها التنفيذيه والتشريعيه ورئاسه الجمهوريه
للتيار السياسي الاسلامي
الاداء كان في الشهور اللي عدت لا يبشر بالخير
نقضوا عهدهم وشاركوا في الحياه السياسيه
واستحوذوا علي مجلسي الشعب والشوري
وكمان لجنه اعداد الدستور
يقولون مالا يفعلون
قالوا ان اعضاء تاسيسيه الدستور من كل التيارات
وبعد كده رفضوا
قالوا مش حنشترك في انتخابات الرئاسه
تراجعوا
اهانوا الثوار واتهموهم بالخيانه
بالله عليكم ازاي نطمن لهم بعد كده
وشوفوا اللي كانوا بينقاشوه في المجلس الموقر
بيقدملنا ايدهم وبيخفوا في الايد التانيه وسيله يطعنونا بيها
---
تصريحات مرسي يوم السبت الماضي
حيدوس الفلول بالاقدام
اعلن كده قدام الشاشات والميكرفونات
وعد بالاهانه والعنف والانتقاام
طيب اللي حيخالفوه حيتصرف معاهم ازاي وخصوصا في الانتماء الديني ؟
او بالاحري لما الاقباط حيخلفوه حيعمل فيهم ايه ؟
دي بقي ديمقراطيه الاخوان
والا ديمقراطيه الديكتاتور
---
تعالوابقي نشوف شفيق
بانتخابنه ليه بنعيد النظام السابق
بعد ما ثورنا ضده من اجل مصر والشهداء
وبعد حلم الثوره الجميل
استيقظنا علي كابوس
ده بقي اللي قاله شفيق ياراجل بعد النتيجه
شفيق هو مبارك الجديد
شوفوا كده
يعني احمد زي الحاج احمد
وجهين لعمله وحده
----
الماذق الحقيقي هو التصويت لمرسي والا شفيق
بس اكيد الشعب مش حيستحمل 4 سنين حيغير كل حاجه قريب
ومش حيسلم مصر للماضي لانه عايز المستقبل
---
الشيخ صفوت حجازي قبل الانتخابات كان بيعلن ان مرسي مدعوم من الله
وعقاب ربنا سيحل بمن لا يصوت له
تخلف علي حق
والله بريء من كل الافتراءات
---
بعض الفقراء كانت اصواتهم لمن اعطي مش لمن اصلح
---
طوق النجاه بيقدم للاخوان مع ان اولي بهذا الطوق هي مصر
---
الشعب مش محتاج جلابيه وسبحه وزبيبه
ولا محتاج قمع ورجوع لعهد مبارك
محتاج عيشه كريمه وامنه
محتاج يبقي مطمن علي عياله وبيته
وحاسس ان بكره حيكون احسن من النهارده
عايز يتعلم يمارس الديمقراطيه
ده مش كتير علي اي مواطن مصري
---
الاختيار حاليا هو حتختار ايه
الحقنه والا اللبوس
ربنا يلهم الجميع الصواب
ويحرس مصرنا الحبيبه
واوعوا اوعوا تقلبوا الصفحه
ابقوا معي
هناك 4 تعليقات:
اعتقد انها نهاية الثورة بهذه النتيجة والعيب الان ميش على الفلول ولا حكم العسكر العيب علينا احنا شعب مصر لاننا سمحنا لهذين الشخصين بانتخابهم وفى تلك الحالة ياما شفيق ومرسى او حكم العسكر لابد من ثورة جديدة ثورة تطهير بجد ميش هزار وفى الاخر حرام على شعبنا اللى اعنارهم كبيرة فى السن لانهم سكتوا 30 عام على الفساد ومن ثم رجعوا انتخبوا الفلول تانى وبحجة وهمية وهيا الامان لانهم نسيوا ان الامان من عند الله فقط
مقال أكيد يعبر عن وجهة نظر موجودة في الشارع المصري ...
موفقة دايما ليلى ..
تحياتي .
حكيم عقول
لولا الجميله
طول عمرك ثورجيه.. مافيش فايده السياسه بقت في دمك وبرضه دمك زي العسل ماتكتبي حاجه علي الحب والا ده بيتعارض مع السياسه , مقالك دمه خفيف بجد يالولا وكده انتي حيرتيني مش عارف اختار الحقنه والا اللبوس , ياريت تقوليلي , كل الود للولا الغاليه ,
دكتور محمود الزهار
مجهود رائع وممتاز، ولكن هل تعرف أنه يمكنك الاستفاده من هذا المجهود وكسب المال و تحقيق الأرباح من هذه المدونة عن طريق عرض بعض الإعلانات؟ نعم وذلك من خلال مشاهدة افضل كورس في الربح من المدونات والإنترنت على موقع كايرو هوم بيزنس كورس العمل من المنزل و الربح من الانترنت
إرسال تعليق