أعزائي
دعوه للعصيان المدني في جميع مدن الجمهورية
سيشارك فيها قطاعات كثيره والجامعات المصريه
والاجنبيه مثل الامريكيه - الكندية - البريطانية - الالمانية
ونقابات وشركات ومؤسسات كثيره اعلنت اشتراكها في عصيان
يوم السبت الموافق 11 فبراير 2012
انا شخصيا مش موافقه علي العصيان نهائيا
وكانت دي رسالتي علي صفحتي في الفيس بوك
لا و 1000 لا للعصيااان المدني
حقولكم معني العصيان المدني
لما الناس ماترحش اشغالها .. والمواطنين مايدفعوش فواتير
المياه والكهربا ء والتليفون
يعني لو شغال في الحكومة حيجي اخر الشهر
حيقولولك مافيش مرتب عشان المواطنين في عصيان مدني
ومش بيدفعوا ضرائب ومفيش دخل للحكومة
يعني شركات المياه والتليفون والكهرباء
من حقها تقطع عنك الخدمة لانك مش بتدفع الفواتير
ولو شغال في القطاع الخاص ومضطر تروح الشغل
مش حتلاقي مواصلات
ولو انت شغال باليومية مش حتعرف تروح شغلك
ومافيش اكل ولا دخل لبيتك
ولو مريض مش حتلاقي مستشفي .. ولا دكتور يكشف عليك
ولو مش معاك فلوس مش حتعرف تسحب من البنك عشان قافل
يعني التضخم واسعار السلع يتضاعف
والناس اساسا علي آخرها
يعني اقتصاد بلدك يدمر ذيادة
والحكومه تضطر تستلف بشروط البنك الدولي اليهودي
اللي اول شرط هو رفع الدعم عن الدقيق والبنزين
يعني لتر البنزين يبقي بين 9 و 12 جنيه
ورغيف العيش ب2 جنيه
زي باقي دول العالم يدفعوا الشعب لثورة جياع مش حيسلم منها لا غني ولا فقير
بكده يتحقق هدفهم الفوضي مستمرة تحرق مصر لسنوات قادمه
من يوم 11 فبراير كلنا حننزل اشغالنا
وحنشتغل زيادة واللي مش حينزل شغله فيه الاف مش لاقين شغل
عندهم استعداد يشتغلوا مكانه وبنص مرتبه
لا لدعوات خراب بيوت المصريين
لا للعصيان المدني
واللي حيعمل كده اما قابض او معاه اللي يكفيه
ويبقي خاين وعميل وله مصلحة في اسقاط الدوله وكلاهما خاين
--------
--------
هجوم تاني علي بنك HSBC
بس المره دي في 6 اكتوبر ولحقوه الحمدلله
---
ماحدث في بورسعيد يحدث في الطريق الدائري
والمحور والطرق الصحراوية في جميع المحافظات
وانفلات امني وخطف وحوادث سطو وقتل
-------
بيقولوا ان التيار الديني مسيطر علي غالبيه مقاعد مجلس الشعب
طيب ماهو الطيار العسكري حكمنا وكبس علي نفسنا وسيطر علينا
30 سنه
------
بيقولوا مش عارفين مصر حتنتقل لمدنيه والا دينيه والا ديمقراطيه
المهم تتنقل لاي حاجه غير انتقالها لرحمه الله
------
كفايه كده عليكم وعليه
وللحديث بقيه
واوعوا اوعوا تقلبوا الصفحة
ابقوا معي
هناك تعليقان (2):
استاذتى الفاضله \ جميل مواكبه الاحداث ولاكنى اقول الحديث عن العصيان المدنى والخوف منه لا يمكن ان يجدى ثماره فى مصر.
اولا نسبه من شاركو فى انتخبات مجلس الشعب تؤكد ان الشعب يؤيد التيار الدينى وكل العلماءونواب الشعب ابدو امتعاضهم من هاذه الدعوه القميئه.
ثانيا ان من يؤيد العصيان المدنى بيفكرنى بمثل اعرف صاحبك وعلم عليه بمعنى كلنا هانعرف مين الى شارك فى العصيان وبكدا هايظهر الخث من الثمين وبكدا هانعرف نعلم عليهم
والله متفائل جدا جدا وفى نفس الوقت كنت اتمنى نكون على قلب رجل واحد وهاذ يسبب لى حزن عميق ولاكن لابد من دفع ثمن للثوره اما الأن او أجلا
كل التحيه والتقدير لمجهودك وخوفك على مصر وانا ادعوكى لو تسمحى على بطيخه صيفى
هشــام أ بو عيــش
اللهم احمى بلاااااااادنا
وولى من يصلح ... :)
إرسال تعليق