1‏/2‏/2012

جدل بين الطوائف المسيحية


أعزائي 
اول مره اكتب مقالين في اقل من 24 ساعه 
بس بقالي يومين بقرا وادور واسال علي موضوع شغلي جدا
كان خبر لوائل الابراشي في برنامجه اليومي الحقيقة
ايه بقي الموضوع 
السيدة  أن اميل زكي تقدمت بطلب الي رئاسة الطائفة الانجلية في مصر
 لتصبح اول قسيسة في مصر
 ورفضت ان تتم رسامتها في امريكا
ومصره علي ان تتم الرسامة في مصر لتكسر قاعده تاريخيه في الشرق الاوسط
وتصبح اول قسيسة
الرسامه  تعني تعينها قسيسة ا
لموضوع ده ادي لجدل كبير بين الطوائف المسيحية
لان فعلا تم تنصيب المرآة قسيسة في اوربا وامريكا وبعض البلاد الافريقية
وقد وافقت الكنيسة الانجلية في مصر علي تنصيب المرأة قسيسة باغلبيه الاعضاء
 27 قس وافقوا 3 امتنعوا عن التصويت واعترض واحد عن التنصيب
---
القس عبدالمسيح بسيط
مدير مركز دراسات الكتاب المقدس بشبرا الخيمة
قال الكنيسة الارثوذكسية لها تحفظ وذلك لمعوقات الدورة الشهرية وظروفها كمرأة
وهذا سبب يمنعها من ان تكون قسيسة
وقال  ان السيد المسيح عليه السلام كانت له تلميذات
واقتصر دروهن علي خدمته فقط
ولهذا لا تصلح المرآة ان تكون قسيسة
والكنيسه الارثوذكية لها تقاليد تحافظ عليها وفقا للكتاب المقدس
ومنها عدم تنصيب المرآة  قسيسة
----
اما القس رفعت فكري
راعي الكنيسة الانجلية
قال ان هذا اختلاف طوائف وليس اختلافا عقائديا
والمسيحية تحترم المرأة وتساويها بالرجل
والفكر اللاهوتي نص علي احترام المرأة وتصلح ان تكون قسيسة
ومن غير اللائق ان تحرم المرأة من حقها بسبب
ظروفها كامرأةوانها تساوي الرجل في الحقوق والواجبات
ولذا كان قرار الكنيسة
----
فضلت ادور تاني واقرا لقيت رأي كمان
الاب رفيق جريش مدير المهرجان الكاثوليكي للسينما
هذا لا يجوز للمرأة وهذا لا ينتقص من دورها في الكنيسة
وان السيد المسيح  عليه السلام عندما ارسل الرسل والتلاميذللتبشير بالمسيحية كانوا رجال
رغم وجود  السيدة مريم العذراء
-----
اما القمص مكاري يونان
قال التاريخ الروحي كله لم يزكرأن المرأة لها دور في خدمة الكلمة
والكتاب المقدس به كلام جازم أن المرأة تتعلم ولا تعلم
-----
كان لازم وحتما ولابد اني انزل لجيراني المسيحيين عشان اعرف رأيهم في الكلام ده
قالوا بولس الرسول في رسالته الاولي الي اهل كورنثوس
تنصت نسائكم في الكنائس لان ليس مأذونا لهن ان يتكلمن
بل يخضعن كما يقول الناموس
وأن اردنا ان يتعلمن شيئا فليسألن رجالهم في البيت
لان قبيح بالنساء ان تتكلم في الكنيسة
سالته يعني ايه تسكت ماينفعش تتكلم 
   رد وقالي تتكلم بمعني تعظ
الوعظ باين حكر علي الرجاله
---- 
قلت اطلع عند الجيران اللي فوق اعرف رأيهم
 فالوا الفاتيكان اعلن عام 2008 عن موقفه
اصدار مرسوم رسمي من مجمع الايمان
بعنوان من اجل طبيعة سر الكهنوت وصحته
اكد انه يقع في الحرام علي السواء وبطريقه اليه كل من يحاول منح سر الكهنوت
وكل امرأة تحاول معرفة هذا السر
----
اللي بيحصل فكرني من حوالي سنتين حصل كلام كتير واراء تؤيد واراء تمنع
بس علي المرأة لو اعتلت  منصة القضاء
والمقال بتاعي  كل وحده قريته اهدرت دمي
وبرضه في رجاله  زعلوا مني واعتبروني عدوه للمرأة 
بس بصراحه بتستهويني الموضوعات اللي فيها  اختلافات في الرأي
وانا ببحث وبقرا قريت حاجه غريبه
ممكن تكون غريبه وبالاحري عننا احنا المسلمين
الا وهي
توجد طائفة مسيحية تبيح تعدد الزوجات وتسمي ( المرمون ) ومركزها الولايات المتحدة
وعمرها لا يزيد عن مائه عام
وكذلك لهم عقائد غريبه بأن المسيح سوف يأتي ليحكم علي الارض
مدة الف عام وسيكون له مركزان للحكم
الاول باورشليم 
والتاني في واشنطن 
لان امريكا مثل فلسطين ارض الميعاد
بس ما وضحوش واشنطن DCوالاايه ؟
ياريت اخونا المسيحيين يقولوا رايهم
واوعوا اوعوا تقلبوا الصفحه
ابقوا معي

هناك تعليق واحد:

غير معرف يقول...

واضح انك عايشه فى مجتمع دولى عقائدى جيرانك الى تحت وجيرانك الى فوق اكيد حد فيهم كاثوليك والثانى بروتستانت
اقول خير الامور الوسط بمعنى ادخلى شقتك هاتجدى نفسك وسط بين دول وهادول
وجهه نظرى العقليه وليست بناء عن عقيده .. اى عمل يناسب طبيعه المرأه فى اى مجال اهلا وسهلا بهاويستحسن ان تمارسهفى خدمه انسانيه وليست كهنوتيه ولا حربيه
تحيااااتى هشام ابو عيش