أعزائي
شيئ مذهل حقيقيي حصل او بالاحري اللي بيحصل
مصر كلها بجميع محافظاتها في ثوره
حاولت انشرلكم صور كتير بس النت مش مساعدني
بطيئ زياده وده لدخول اعداد كتير للمدونات والفيس بوك والمواقع المختلفه
حكتبلكم عن مواقع المظاهرات والهتافات اللي الشارع المصري بيرددها
ولما تتضح لنا الصوره اكتر حكتب باستفاضه
الاماكن اللي حدثت فيها المظاهرات هي
القاهرة
دوران شبرا - دوران المطرية - وسط القاهرة
ميدان التحرير . ميدان سفنكس . الكورنيش . الدقي
والنهارده في مدينه نصر امام الجامعه العماليه اول شارع عباس العقاد
-----
الجيزة
شارع جامعة الدول العربية .امبابه . جامعه القاهرة
----
اسكندرية
منطقة القائد ابراهيم
----
الاسماعيلية
شارع التلاتين .شارع السكة الحديد . بجوار الحمزاوي
----
الغربية
طنطا : امام مبني المحافظة بشارع البحر
المحلة : ميدان البندر . ميدان الشون الشعبية .والجمهورية
----
كفر الشيخ
بلطيم . ميدان بورسعيد
----
قنا
ميدان البنزايون
----
متظاهروا المطرية يوجهون استغاثات لكافة الهيئات الحقوقية
ينادون نحن نتعرض لمجازر فعلية من الامن
بور سعيد حصار 150 ناشط داخل مبني الحزب الوطني واطلاق الكلاب البوليسيه عليهم
اسكندرية . محظه الرمل المتظاهرون يشتبكون مع الامن والامن يسحل المتظاهرات
المحلة . المتظاهرون يتعدون 20 الف ويكسرون الطوق الامني حولهم
وكل تجهيزات الامن تنسحب الي الشوارع الجانبية
والمتظاهرون يسيطرون علي شارع البحر .
اما الهتافات فكانت كالاتي
حد ادني للاجور قبل ما الشعب يثور
--
ثورة ثورة يامصريين علي حزب المجرمين
--
الثورة جايه جايه بالعدالة والحرية
--
الاصلاح بقي شيء مطلوب قبل الشعب ماياكل طوب
--
الطلاب ويا العمال ضد الفقر والاحتلال
--
ثورة مصر جايه جايه بالعدالة والحرية
--
خالد سعيد مات مقتول ومبارك هو المسئول
--
حكم 30 سنه في هذا العصر هو اهانه لشعب مصر
--
واحد اتنين الشعب راح فين
--
ارفع صوتك زي الناس احنا كرهنا الظلم خلاص
--
صحي الخلق وهز الكون مصر بلدنا مش حتهون
--
يااهلينا يا اهلينا ضموا علينا صموا علينا
--
ثورة ثورة حتي النصر ثورة في كل شوارع مصر
--
بطل تمشي جنب الحيط اصل سكاتك مش حيفيد
--
يا ابو دبوره ونسر وكاب احنا اخواتك مش ارهاب
--
كلها هتافات من قلوب المصريين
برغم ضرب المتظاهرين فهم مصرين علي موقفهم
ندعوا جميعا لهم بالتوفيق
مش حقولكم اوعوا تقلبوا الصفحه
لاني متاكده انكم حتبقوا معي
وللحديث بقيه
هناك تعليقان (2):
إذا الشعب يوما أراد الحياة فلأبد أن يستجيب القدر هل ينطبق هذا على الحملات الشعبية للتغيير في مصر
اتمنى وادعو الله ان يكون غدا الجمعه يوم فاصل فى تاريخ مصر بعد صلاه الجمعه وان يتحد المصرييون على قلب رجل واحد وان يقوم الاخوه الاقباط بتامين المساجد وقت الصلاه ولا نكتفى بالدعاء فقط لا بل بالتوجه الى القصر الرئاسى لتنحى الرئيس حسنى مبارك شكر الله جهده لمده 30 عام- واتمنى من معاليه ان يحترم اراده المصريين ويتنحى بهدؤء حتى تستعيد مصر ريادتها ويستعيد شعب مصر حريتهم السليبه
هشــــام ابو عيـــش
ليلي هانم
عنوان المقال يا استاذه اختيار اكثر من موفق بندعولشبابنا غدا بالثبات وتكمله المشوار
كل الود لليلي هانم
دكتور محمد عمر
إرسال تعليق