أعزائي
بعد 3 ايام نستقبل العام الجديد 2011
كل عام وانتم جميعا بخير ويارب يكون عام سعيد علينا جميعا
والاهم يكون عام سعيد علي مصر
---
قديما لم يعرفوا الا المواطنه ولم يعرفوا التعصب الديني
فكلنا مصريون والاختلاف الديني لم يكن له وجود
فالمسيحيه القبطيه هي مسيحيه مصريه بحكم الاباء القدامي للكنيسه المرقصية
بالرغم من الاضطهاد من الكنائس الاخري
وتخت ظل حكم اسلامي منذ اربعة عشر قرنا من الزمان .
---
ارتفاع مستوي معيشة المواطن حسب تاكيدالاحصائيات الحكومية
وده اللي بياكده الغلاء وارتفاع الاسعار
السكر ب7 جنيه الكيلو
---
سمك القرش في شرم الشيخ وقريبا في الغردقة
كارثه الاتوبيس السياحي في الطريق بين اسوان وابو سمبل
قضوا علي السياحه
---
الوزير الذي اكد في برنامج علي قناه فضائيه ان اسماء وعناوين
وارقام تليفونات الفقراء في درج مكتبه
الظاهر ماعرفش ياخد ارقام موبيلاتهم
يابختهم ياتري مين فينا منهم
---
البرلمان الموازي ومجلس شوري موازي ومحليات موازيه
واكثر من 50 نقابه عماليه ومهنية و17 الف جمعية اهلية
ناقص يجيبوا شعب موزاي
---
كلام ورغي وطق حنك من الوزراء في برامج التوك شو
عن الفقراء ومحدودي الدخل
ياتري ايه موقفهم من معدومي الدخل
---
مترو الانفاق ضرب الرقم القياسي في استمرار الاعطال
هههه وقال ايه بيعملوا محطات جديده ومدوا الخطوط
مش لما تصلحوا الاعطال الاول
---
هشام طلعت مصطفي اتبدل حكم الاعدام بحبس 15 سنه
والمؤبد للسكري
ماتستعجلوش حيخففوا الحكم وممكن عفو صحي
---
القبض علي الجاسوس المصري طارق عبد الرازق حسنين
بتهمه التخابر لصالح اسرائيل
الظباط الاسرائيلين هربوا
---
انفلونزا الطيور وبعدها انفلونزا الخنازير
دول موضه قديمه الجديده الانفلونزا المحورة
برضه مش حتحوق في الشعب المصري لانه من البيئه الصحيه اللي عايش فيها
بقي عنده مناعه طبيعيه
---
اختفاء برنامج القاهرة اليوم لعمرو اديب
بسبب ديون المحطه
هي دي الحقيقه والا لمنع شغبه لانه بيعلن دايما انه بيحب مبارك
ولكن مش عايز وصول ابنه للحكم
---
ابعاد ابراهيم عيسي عن رئاسة تحرير الدستور فهل الاقاله لانه صمم علي نشر
مقال البرادعي عن انتصار اكتوبر ؟
---
سعر الطماطم وصل ل12 جنيه
يامجنونه ياقوطه
---
الجدمعيه الوطنيه للتغير عارفين ليه اسمها كده
عشان بتغير اعضائها كتير
نيولوك يعني
---
عمر افندي
حيبعوه لمستثمر اجنبي لا المستثمر مصري بقاله في السوق 30 سنه
والله حيرتونا معاكم حتبعوه لا مش حتبعوه
خلاص والنبي ابعدوه
----
واخيرا جهاز شئون البيئة ماشاءالله عليه
استطاع الحصول علي شجرة كريسماس
صديقه للبيئه
لولولولي
---
كفايه عليكم كده وكل عام وانتم طيبين واشوفكم السنه الجايه علي خير
بس اوعوا اوعوا تقلبوا الصفحه
ابقوا معي .
هناك 4 تعليقات:
لولا
كل سنه وانتي طيبه بمناسبه عيد ميلادك اولا وثانيا السنه الجديده
مقال ظريف جدا واحلي مافيه شجره الكريسماس صديقه البيئه . منتظرين المقال الجامد اللي بتحضريه بقالك فتره . كل الحب للولا الغاليه
دكتور مهندس احمد الجمال
عيد ميلاد سعيد عليكى يا برنسيســــــه
وسنه سعيده على كل العالم العربى والاسلامى
واضح انك نسيتى اهم شىء فى هاذا العام وهو انعقاد المؤتمر السابع للحزب الوطنى وبالتئكيد جائت توصيات بترشيح الرئيس القادم
مبروك عليكى يامصـــــــــر الرئيس محمــــد حســـــــنى مبارك .
ليه يارب مخلقتنيش حزب وطنى , على الأقل كنت شاركت فى المؤتمر وغنيت وقلت بصوت جهورى واضح الحــــزب الوطنى فى مصلحــتى
هشام ابو عيش
ليلي هانم كل سنه وحضرتك طيبه
بشكر دكتور احمدلجمال اللي عرفنا بعيد ميلادك
مقالك كالعاده دمه خفيف ونقده لاذع ربنا يباركلنا فيكي وكل سنه وحضرتك والاسره الكريمه بخير بمناسبه العام الجديد
كل الود لليلي هانم
دكتور محمد عمر
كل زهرة طيبه نبتت من يدك
لابد ات تراعى لتنموا
كل عام وانتم بخير
لكن من ضمن الحسابات الختاميه
ان مصر ليست هؤلاء
هم بشر صنعوا لانفسهم تاريخ ملوث
ان طال بنا العمر
نراهم
وان قصر نراهم ايضا
لاننا شهود عليهم يوم العرض
إرسال تعليق