3‏/7‏/2010

قطار الاسعار من غير فرامل

أعزائي
اسمحولي اني اغني مع حكيم اغنيته المشهورة
بس حغير فيها شوي واقول
ناااااار نااااار نااااار الاسعار مولعة نار
كارثه العلاوة السنويه اللي بينتج عنها ارتفاع الاسعار بجنون
وبشكل فجائي وعشوائي
والفقراء حيعملوا ايه في الارتفاع البشع بدأ من تذكرة الاتوبيس
اللي قفزت من خمسين قرش لجنيه
الدجاج الكيلو 19 جنيه
السمك البلطي 14 جنيه
اللحم البتلو 47 جنيه في الاماكن الشعبيه
اما في الاماكن الراقيه فوصل سعرة ل 90 جنيه
اللحوم الاثيوبيه 32 جنيه للكيلو
الاستراليه 35 جنيه للكيلو
البرازيليه 25 جنيه للكيلو
وطبق الكشري 5 جنيه
اما لو طبق فويل ده بيتراوح بين 6 و8 جنيه
وساندوتش الفول او الطعميه 2.5 جنيه
اما الكباب فوصل ل100 جنيه الكيلو
الفرخه المشويه 30 جنيه
الزبده الصفراء كانت من شهر ب24 جنيه للكيلو
اليوم اصبح السعر 40 جنيه للكيلو
الارز تبع التموين 4 جنيه
خارج التموين 5.5 جنيه
السكر 5 جنيه
الخوخ 10 جنيه
اما الخوخ العريشي 12 جنيه
الكريز 18 جنيه
البطيخ 2 جنيه للكيلو
البرقوق 20 جنيه
المشمش 17 جنيه
العنب 7جنيه
الكنتالوب 4 جنيه
التفاح المصري 8 جنيه
حزمه النعناع جنيه ونص
الليمون 7 جنيه
الباميه10 جنيه
البطاطس 4 جنيه
الملوخيه 4جنيه
البدنجان 3 جنيه
الطماطم 3 جنيه
الخيار 4 جنيه
اي حزمه جرجير- بقدونس- شبت- كزبره خضرا ب 50 قرش
تعالوا بقي يامدخنين شوفوا اسعار السجائر
الكليوباترا الورقيه اللي الغلابه بيدخنوها
من 275 قرش ل400 قرش
والكرتون من 300 قرش ل 450 قرش
والسجائر الاجنبيه الفاخرة
من 8.5 ل 10 جنيه
والانواع العاديه الاجنبيه بتتراوح بين 650 قرش ل 700 قرش
حتي اسعار الكتب لم تسلم من الارتفاع بحجه ارتفاع اسعار الورق
الاسعار دي بخلاف الزياده في سعر الشاي والبن والنسكافيه والالبان ومنتجاتها
والغاز والكهرباء والميه وانتظروا قريبا
حتفرض تسعيره علي الهوا اللي ربنا خلقه لينا بعد ما لوثوه
ومن ضمن زياده الاسعار السباك والميكانيكي والمكوجي
لانهم فئه من فئات الشعب والغلاء علينا وعليهم
وبديهي يرفعوا اسعارهم
شوفوا بقي
مصر بتبيع الغاز لاسبانيا باقل من 5 دولار
وترجع اسبانيا تبيعه لليابان ب 29 دولار
وبتبيعه لاسرائيل ب 1.5 دولار والسعر ده اقل من سعر التكلفه
اللي هو 2.6 دولار
ماشاءالله بتساعدهم طب ماتساعدنا احنا
بس ازاي احنا مالهمش مصالح معانا انما التانين ليهم مصالح معاهم
الله يرحمك ياطلعت حرب ياخبير الاقتصاد
تعال شوف مصر بقي حالها ازاي
وانا بلف و اسال عن الاسعار استوقفني تعليق لراجل كبير غلبان قال
لو ماكانتش عالم جعانه طول عمرها مكنتش عملت كده
ربنا يتقبل دعاء الشعب المصري المطحون
ويبقي احسن شعب في الكون
الغلاء طااااااااااال الجميع
وبرضوا بقولكم اوعوا تفكروا تقلبوا الصفحه
ابقوا معي


هناك 10 تعليقات:

غير معرف يقول...

ليلي هانم
معاناه حقيقيه للشعب المصري
بدا من رغيف العيش ومرورا علي الفاكهه والخضار واللحوم والسجائر والسباك والميكانيكي والمكوجي
حيلاقيها منين والا منين
ربنا علي المفتري
كل الود لليلي هانم
واحيكي لتناولك معناه الشعب
دكتور محمد عمر

غير معرف يقول...

لولا الغاليه

هي فعلا كارثه العلاوة الغلابه بينتظرواها عشان تفرج عنهم وحاليا بيحسبوا الف حساب لها . ربنا معاهم ومعانا
كل الحب للولا الغاليه
دكتور احمد الجمال

غير معرف يقول...

الاستاذه الفاضله ليلي
بسعد جدا بمقالاتك لانها لسان الشعب فعلا . احساسي انك فعلا حاسه بمصر
وبعتقد ان تاخرك علينا هو بخثك الدائم عن كل مايخص مقالك قبل كتابته
تحيه صادقه لصحفيه واعده
تقبلي احترامي
مستشار احمد بهاء الدين

waly يقول...

ليلي انا بصيت علي الاسعار و بصراحة كنت عايز اعرف من زمان الشيئ ده انا انصدمت باسعار الفول و سندوتش الفول و سعر اللحمة و بعض الفواكة.... اية ده؟؟؟ اية الحكومة دي و عايزة تعمل اية في الناس؟؟ بصراحة دي اسعار بلد بتحارب حرب طويلة كمان و لا ا حول و لا قوة الا بالله

غير معرف يقول...

استاذتى بالرغم من انى اكيد من محدودى الدخل والمؤكد انى ناوى ابطل سجاير واكل لحمه وفواكه وخضار بس اهمس فى اذنك واقول نستاهل اكتر من كدا والله نستاهل بدام مش قادرين نواجه الفساد نستاهل لاننا اخدنا على الشكوى والصياح فى الفضائيات وغيره ما خذ بالقوه لا يسترد الا بالقوه لقد تم الهيمنه على مقدرات الشعب بل وعلى الشعب نفسه ولابد من انتفاضه بداخلنا اولا ثم على المستعمر نعم على المستعمر الذى صال وجال فسادا فى البلاد حد فاكر ايام السادات لما الشعب قام بثوره ضد الغلاء؟ لابد لنا من ثوره شعبيه ضد الفساد والجبروت
وقتيل الاسكندريه ليس ببعيد
هشام ابو عش

غير معرف يقول...

بجد احباط
ربنا يكون في عون الشعب
طيب والحل ايه ؟
أشكرك كونتيس زهرة البنفسج
بارون الفولتوري الثالث عشر

غير معرف يقول...

ليلي هانم الاسعار ستستمر في الارتفاع علشان عبد القوي كل مايتزنق يلعنا احنا مش يقلع هوه ويمشي ويعرف انه فاشل هوه ومجموعه الوزراء الحراميه بوصف رجال الاعمال لانه عبد القوي مش بيتعب نفسه ويدور علي موارد هوه كل كل مالحكومه تعوز قرشين يمص من دم الغلابه ولسه يا ليلي البنزين والمحروقات في الطريق وزيت العربيات زاد من شهر14%من غير ما حد يحس ولك الله يا شعب مصر وانا باعتذر لاقتباس لفظ عبد القوي منك حيث ان هذا الوصف خاص بك وانا استعرته من حضرتك

زيزو فرست

غير معرف يقول...

ليلى النقاء..انا مش عارف الناس عايشه ازاى اليومين دول..فيه اسامى جديده ومعانى مش معروفه ظهرت فى اللغه
يمكن من انتشار الفضائيات
طيب كلمه لحوم يعنى ايه
كلمه سلطه يعنى ايه
كلمه زبادى يعنى ايه
كلها كلمات جديده علينا والدنيا اتقلب حالها خالص
الجنيه معدش يكمل الشهر..تحياتى محمود صابر الخطيب

غير معرف يقول...

7elw awyyyyyy ya lolla bgad gameeeel gdan keep it up <3

حمـــــــــــــــــــــة يقول...

ستزذاذ سرعة القطار ما دامت الإنحدار أمامه
و لكن لي سؤال بسيط هنا :
- أود السؤال عن متوسط الدخل
كيف يدبر أموره ؟
الى أي حد ممكنه الصمود قبل النزول ؟
إذ الطبقة الدنيا معروفة و كذلك العالية