1‏/4‏/2010

نعالوا نتسلي مع الحكومه

أعزائي
لم يبتعد رامي لكح عن الظهور في الفضائيات والصحف
ونسي تماما تسامح الحكومه معه واعاده جدولة ديونه
واسقاط فوائد كثيرة عنه وتناست الحكومه انها اموال المودعين
وذلك تمشيا مع المثل القائل
الخساره القريبه احسن من المكسب البعيد
ونسي حاله لاستضافة الفضائيات له بعد هروبه
باموال المودعين بالبنوك كان اماهه خيارين السجن او الهرب كما فعل غيره
هدي عبدالمنعم والهواري وايهاب طلعت وأشرف السعد
وقد اصدر بنك القاهرة يوم السبت بيان بعدم تسديدة الكامل لمديونيته
ولكنه تسوية وان الجزء الاكبر سيتم سداده علي عدة سنوات
---
فجأة زار وزير التربيه والتعليم دكتور احمد زكي بدر
مدرسة الخلفاء الراشدين الآعدادية للبنين بحلوان
ووصف المدرسة بانها الاسواء وان جميع العاملين بها ليس لديهم ضمير
وذلك لغياب المدرسين ومدير المدرسه الذي حضر بعد الحصه الاولي
بعد علمه بوجود الوزير
وتم الغاء معظم الحصص لعدم وجود المدرسين
وانتشرت القمامة في فناء المدرسه ودورات المياة
وذلك لغياب العمال ايضا
وقد قرر الوزير نقل جميع العاملين بالمدرسه الي ادارة اطفيح التعليمية
اما السيد المدير الهمام فقد تم نقله الي مديريه المنيا التعليمية
كما زار ايضا مدرسة الزهراء الثانويه للبنات
وقرر نقل مدرس اللغه العربيه ومدرسة اللغه الانجليزية
الي ادارة اطفيح التعليميه لتغيبهم
كما قررالغاء المكاتب الادارية لجميع القيادات الفنية العامله
بالمديريات التعليمية
وتكلفهم بالعمل الميداني اليومي لمتابعة المدارس بجميع انحاء الجمهورية
يعني من الآخرمالهمش لا رابط ولا ظابط يروحوا او مايروحوش
اللي عنده مشوار خاص يروح يعمله
واللي عندها طبيخ تقعد في البيت
ويجعله عامر ياوزير التربية
---
هدد دكتور فتحي سرور بعدم موافقة المجلس علي الحساب الختامي
للدولة للعام السابق لوجود مخالفة قانونية تتعلق بتحويل
24,3 مليار جنيه من اموال المعاشات للخزانة العامة
في حين انها يجب وضعها بصناديق المعاشات
مافيش داعي انكم تفرحوا
لان المجلس رجع اقر بالحساب الختامي للموازنة العامة
للدولة للعام المالي 2008 \ 2009
بعد تصويت موافقون موافقون اغلبيه
وقد قاموا بالتصفيق الحاد عقب اعلان نتيجة التصويت
يعني بالظبط زي مابنقول
حسن + حسن = حسنين
---
اشتبك النواب المستقلون بمجلس الشعب
مع المهندس احمد عز واتهموه بمخالفة الدستور
وقاموا برفع الدستور عاليا والضرب علي الطاولات الموجوده امامهم
وقد قام نواب الحزب الوطني بالالتفاف حول عز وكان يقف
علي منبر المجلس لحمايته تحسبا لاي هجوم
وانفعل عز مؤكدا عدم مخالفة المجلس للدستورولا القانون
وقال لاحد الاعضاء المستقلين
انا بفهم اكتر منك واللي مش بيفهم مايزايدش في كلامه
وقال للنائب اشرف بدر ( الذي رفع الحذاء تحت قبه البرلمان العام الماضي )
أنت اللي بتتكلم عن الدستور يارافع الحذاء
وعمار يامجلس
---
ضرائب عبدالقوي سجلت أعلي معدلات للزحام
قبل قرار تلقي الاقرارات الضريبية بدون غرامات
وكان يوم 31 مارس آخر يوم في المهلة
ياعبدالقووووووووي
---
اوباما كان من المحتفين بالعالم المصري
دكتور سمير نجيب بانوب
لنجاحه في وضع أسس نظام التامين الصحي الشامل
في الولايات المتحده الامريكية
وشارك في رسم مشروع للتامين الصحي ليغطي كل فئات
المجتمع الامريكي لاول مره
مصر تريد ان تستضيفه لتكريمه
طيب ما الحكومة تنتدبه من امريكا يمكن يصلح حال
التامين الصحي للشعب المصري
والا احنا زي القرع بنمد لبره
كفايه عليكم كده لان قلبي وجعني
وبرضه اوعوا تفكروا تقلبوا الصفحة
ابقو معي

هناك 7 تعليقات:

غير معرف يقول...

استاذه ليلي
كل مره نقرا مقالاتك يتوجع قلبنا علي مصرنا الغاليه . بس اكيد في حل
تحياتي لجرأتك المعهوده
لمياء كامل

غير معرف يقول...

الغاليه لولا
من لكح لمجلس الشعب للضرائب العقاريه لوزارة التربيه ثم اوباما
بصراحه يابت انتي بتكتبي امتي وبتشوفي شغلك وكل اللي وراكي ازاي وامتي
حقيقي انا فخور بيكي
كل الحب للولتي
دكتور احمد الجمال

غير معرف يقول...

ليلي هانم
مقال يجب ان ينشر في اي جريده
مش فاهم ليه الانتظار عايزين برنامج فضائي ياريت نشوفك قريب علي الفضائيات
مع خالص الود والاحترام لاعلاميتنا النشطة
دكتور محمد عمر

غير معرف يقول...

العزيزه ليلي
مقالاتك الاخيره ممكن نطلق عليها المقالات الناريه
لولا بتكتبي احسن من الاول كتير زي مابيقال انك نضجتي في مطبخ السياسه
اكيد حنشوف المزيد
الود الخالص للغاليه لولاkkk
دكتور محمود الزهار

ماجد الجلاد يقول...

مقال رائع ودسم بأسلوب رشيق ..يس فعلاً كله كوم وبجاحة رامى لكح دى كوم لوحدها الراجل مفكر نفسة شهيد وبطل قومى!!لكن الشهادة لله الراجل ايده خفيفة تتلف فى استاذة ليلى: تحياتى على المضمون والأسلوب الرائع.

غير معرف يقول...

شوفي ياست ليلى ومع حفظ الألقاب أنت ناوية تخلصي على الجزء الباقي اللي في قلبي يعني أنت متخيلة إننا ممكن نستفيد من سمير نجيب بأمارة إيه زويل مثلا أم الباز أم أم .
أما حذاء أشرف بدر اللي رفعه في مجلس الشعب فيبدو إنك ما تعرفيش إن كل السادة النواب بيلبسوا أحذية وماركات كمان وبيعملوا لها دعاية علشان كده بيرفعوها في قلب المجلس بالتبادل كل يوم واحد.
أما وزير التعليم فأقترح عليه تغيير اسم المدرسة من الخلفاء الراشدين إلى البلهاء المزوغين .
أما عن تقرير الحساب الختامي للولة فأنا مندهش لتعليقك بجد هو في بين الخيرين حساب ولا يعني هو في دولة من الأساس علشان يكون في حساب .
أما رامي لكح فلا يستحق مني أنا المسكين أي تعليق خسارة فيه .
تحياتي .
عادل صقر

غير معرف يقول...

بذمتك لو كلامك دا تسليه يبقى النكد الازلى الى عايشين فيه يبقى ايه وجبتك دسمه اوى هاذه المره
رامى لكح = كعكه كبيره كان له نصيب منها بمشاركه طباخ واكلها والعه
ذكى بدر = غربال جديد لنج نتمنى الا يصدأ فى القريب العاجل وبكدا هانستعمل كيتشن ماشين صينى او تيوانى
فتحى سرور= محمدين بس مقدرش اقول محمد مين فيهم قبل التانى لانهم وجهان لعمله واحده العب فى الملعوب فيهوالضرب تحت الحزام
احمد باشا عز = مصنع احذيه متنقل على مقاس بعض بهوات الحزب الوطنى
عبد القوى = ربنا يهد القوى الى مقويه
اوباماا= اكيد ناوى يرشح نفسه فى الفتره المقبله رئيس لمصر لانه بيستعين بداليا مجاهد وزويل والباز وهاتكون الخطه تائمين المواطن المصرى من رؤسائه وحاكميه
بجد وجبه دسمه صراحه بعدها مش هاكل لحمه مش عشان غاليه لا - لانى خلاص نويت اعيش نباتى بس ياترى هايجى يوم الحكومه هاتصدر عصير برسيم وتسيب البهايم ترعى فى البلد او فى الابعديه بتاعتهم لحد امتى
حرام التسليه الى بتسلينا بيها دى
وكل شم نسيم وحضرتك والاسره الكريمه بخير ومصر بخير
هشـــام ابو عيـش