10‏/3‏/2010

فسحه في شارع الحكومه

أعزائي
تعالوا معايا افسحكم في شارع الحكومه
توفي الشيخ محمد سيد طنطاوي شيخ جامع الازهر
عن عمر 82 عاما في مدينه الرياض
متأثر بازمه قلبيه
وقد تم تعينه مفتيا للديار المصريه في 28 اكتوبر 1986
وعين شيخا للجامع الازهر الشريف عام 1996
واثار المرحوم جدلا بين السياسيين والاعلاميين
في مصر والعالم العربي
نظيف رئيسنا حاليا بالنيابه يمكنه تعين شيخ الازهر الجديد
واذا تم ذلك فلن يستطيع مبارك اقالته
لان شيخ الازهر لا يقال
وذلك حسب قانون الازهر لعام 1961
بأن منصب شيخ الازهر بالتعين بدلا من الانتخاب
من سيكون شيخ الازهر الجديد
اهو من الحزب الحاكم او انصار الحزب
---
الداهيه السياسي هنيري كيسنجر له عبارة شهيره وهي
اقرأ اي نص بالعكس فربما كان هذا حقيقه النص
انما نص الحكومه الرشيده بتاعتنا
احنا بقي لا عارفين نقرا فيه ولا كلمه سواء
بالعكس او بالعدل ولا بالورب ولا حتي من فوق ولا من تحت
مش فاهمين ونفسنا نفهم
ياتري حيجي اليوم اللي حنفهم فيه
---
استقبال الشعب المصري للبرادعي في مطار القاهره
استقبال حار بكل معاني الكلمه
استقبال تقدر تفهم منه ان الشعب منتظرطوق النجاة للخلاص
والبرادعي قال نحن مع التغير
ساعدوني عشان اساعدكم
ياريت يكون في أمل
---
دكتور رفعت السعيد في مقابله تليفزيونيه قال
الشعب ممكن يغير التاريخ
وبيقولها بصفته بيدرس تاريخ
وانا اتفائلت جدا بهذه العبارة
---
الماده 76 ممكن تتغير بتصميم الشعب وارادته لكن واه من لكن
حتكون الانتخابات نزيهه؟
هل من مجيب؟
---
محكمه النقض ستعيد محاكمه هشام طلعت مصطفي
ومحسن السكري
والقضيه عادت لنقطه الصفر
وخلعوا ملابس الاعدام الحمرا وبدلوها بالملابس البيضاء
ملائكه رحمه ياخونا
وفريد الديب وبهاء الدين ابو شقه
مشغولين في الفضائيات
واحنا عاملين زي الاطرش في الزفه
مش عارفين مين فيهم اللي اعاد القضيه لنقطه الصفر
ده مش زي صفر المونديال الشهير
---
رفعوا الحصانه عن شوبير
ورفعوا عنه كمان البرامج الرياضيه اللي كان بيقدمها
في قناه الحياة
بس بيعدلوا العده لقناه خاصة بالرياضه
يعني مافيش خسارة رفعوا عنه البرامج والحصانه
ورفعوا عند الشعب المصري الضغط
---
طلب المستشار محمود مرعي وزير العدل
رفع الحصانه عن النائب المستقل طلعت السادات
لتلقيه250 الف جنيه من رئيس مجلس اداره
شركه جنوب الوادي للاستثمار السياحي
لمساعدته في ترخيص من وزارة السياحه لمزاوله نشاط النقل السياحي
ووافقت لجنه الشئون الدستوريه علي طلب رفع الحصانه برئاسه
الدكتوره امال عثمان
بكره حيرفع قضيه عليها وممكن كمان علي مجلس الشعب
---
18 شهر مر علي تنفيذ عقوبات قانون المرور الجديد
بلطجه سائقي الميكروباصات
سلوكيات خاطئه وعدم التزام مروري
ومخالفات سير في الاتجاه المعاكس
وتعاطي مخدرات اثناء القياده
وحودث طرق
طيب السؤال هنا هو خبراء المرور بيعملوا ايه
بيتفرجوا ويشربوا شاي وفهوه ونسكافيه في مكاتبهم
ويتحرق الشعب علي المرور
ماينزلوا يشوفوا شغلهم بصراحه ماشفتش بلد مرورها بايظ زي بلدنا
---
من الواضح ان لاتستقيم العدالة في مجتمع الصفوة فاين الشعب ؟
في الاخر كلنا واعني بها الشعب المصري
بندور في ساقيه اسمها الحياة
مغمضين عنينا وعقولنا
والمرارة بتتراكم علي نفوسنا وبنطلع للامل
وياريت الامل مايكونش سراب
عارفه اني نقلتلكم مود الكابه اللي عندي
بس برضه اوعوا اوعوا تقلبوا الصفحه
ابقوا معي

هناك 7 تعليقات:

غير معرف يقول...

صباح الخير
بجد ما شاء الله عليكى استويتى ونضجتى فى مطبخ السياسه استاذه ليلى بجد فخور انى اتعرف على شخصيه محترمه راقيه مثلك بالتوفيق .
بمناسبه شيخ الازهر انا كنت بصلى فى مسجده فى مدينه نصر الحى السابع وقت ما كان مفتى جمهوريه وكنت دائما استفذه ببعض الاسئله بعد صلاه الفجر وشهاده لله الرجل دا كان تقى ورع حكيم ولاكن بعد ماكبر فى السن المفروض كان يسترح شويه الله يرحمه ويرحمنا

غير معرف يقول...

لولا الغاليه
يابنتي شويه شويه علينا احنا مش حمل كل الانتقاضات دي في وقت واحد ازمه المرور حلها في انهم ينشؤا دور تاني لمصر . وشيخ الازهر حيعينوا اللي عايزينه . اما البرادعي قعد كام يوم وسافر.وقضيه الموسم حتتنسي مع مرور الايام .والفساد موجود وربنا معانا . انا مش بحبطك انما دي الحقيقه
كل الحب للولا الغاليه
مدمن مدونتك
دكتور احمد الجمال

غير معرف يقول...

ليلي هانم
حقيقي كل يوم بنلاقي نضج سياسي ازيد من اليوم اللي قبله . فعلا انتقادات في مكانها
شكرا لصراحتك اللي عودتينا عليها
كل الود لليلي هان
دكتور محمد عمر

غير معرف يقول...

الفاضله ليلي
حقيقي لازم قناه فضائيه تتبني موهبتك او جريده . حقيقي حتكوني ممتازه لانك حتعدي وحتقدمي ياريت نشوفك قريب علي الفضائيات .
نزيه عبدالرحمن المحامي

غير معرف يقول...

الصحفيه النشيطه جدا الاستاذه ليلي
الله اكبر عليكي ز نفسي اتعرف عليكي
كل مقالاتك ساخنه وكلها بتمس قلبنا لانها خوف عللي مصرنا الغاليه
بشكرك ومنتظره مزيد من المقالات الساخنه
ناريمان العقاد
اعلاميه من البحرين

غير معرف يقول...
أزال أحد مشرفي المدونة هذا التعليق.
غير معرف يقول...

مرحبا ليلى المثيرة لأفكاري دائما لي تعليقان الأول بخصوص شيخ الأزهر رحمه الله أنا شخصيا لم أكن أتفق معه في كثير من الأمور والأراء ومع ذلك لم أفقد أحترامي له يوما واحدا والآن وبعد أن دفن في بقيع المدينة المنورة يعني بعيد عن بيتي في المدينة بحوالي 3 كلم أو خمس دقائق بالسيارة فإنني أعتبر هذا كرامة لرجل عانى في حياته من نقد الكثيرين له وجاء في النهاية ليسكن بجوار النبي ( صلى الله عليه وسلم ) والتعليق الثاني على عبارة أنك نقلت لنا الكآبة والهموم بس يبدو إنك مش عارفة أن الكآبة والهم والحزن على حال مصر لم يفارقنا لحظة لتعيدي نقله إلينا أنا شخصيا أفطر كآبة وأتغدى هم وغم وأتعشى نكد والعشا طبعا بيكون على موائد برنامج العاشرة مساء وإخوانه من البرامج المماثلة .
تحياتي لحضرتك .
عادل صقر ـ المدينة المنورة