20‏/12‏/2009

ابقوا معي دائما

أعزائي
الورده دي ببعتها لصاحب او صاحبة اي تعليق في المدونة
ولاي حد دخل قرا سطر او كلمه من مقالاتي
الحقيقه بشكركم كلكم علي رعايتكم ليه ومساندتكم
دكتور احمد الجمال ربنا يخليك ليه انت فعلا بتساندي
وبيعجبني جدا لما بتمضي وتقول مدمن مدونتك
دكتور محمد عمر بشكرك جدا ونزلت تعليق حضرتك علي المقال الاخير
اللي ماكنتش عارف تنزله بس الظاهر ان النت بيمزح ويانا
انا من امبارح مش عارفه ادخل مدونتي
شكرا وربنا يديم الود
عمي ابو ادهم بشكرك حقيقي لمساندتك ليه وسمعت كلامك وبشكركم كلكم
يارب ترضي عليه وتعلق علي المقال الاخير
دكتور صلاح خليل فعلا بحس وانا بقرا تعليقاتك اني صحفيه بحق وحقيقي
وياريت مقال الضرايب اللي حستني اني اكتب فيه يكون عجبك
شكرا يادكتور ربنا يخليك ليه
هشام والا اقولك عنتر
تعليقاتك كلها بتلاقي فيها سخريه وبصراحه لما مش بلاقي تعليق منك بزعل
بحس ان المقال مش عاجبك
الف شكر ليك وربنا يديم الود اللي بينا وسلملي علي القطه بتاعتك
محسن شكرا لتعيقك وياريت تعلق اكتر من كده
حكيم عقول شكرا لتعليقاتك وملاحظاتك علي لغتي العربيه اللي مافيهاش همزات
بس برضه حضرتك مساعد رئيس الحزب اللي عملناه
حزب وداد قلبي
اما بقي شاعرنا محمود الخطيب فده له شكر خاص جدا
لانه بيوجهني دايما تسلمي يارب
انا بشكر اي حد يعلق او حتي مايعلقش كفايه انه بيدخل ويقرا اللي بكتبه
لو سمحتم كل واحد يعتبر ان الشكر ده ليه لوحده
وكل عام وانتم بخير بمناسبه السنه الهجريه اللي ابتدت
والسنه الميلاديه اللي لسه حتبتدي
كل الحب والود والشكر لقرائي الاعزاء
دمتم جميعا
وبرضه اوعوا تقلبوا الصفحة
ابقوا معي

هناك 4 تعليقات:

غير معرف يقول...

أولا:أشكرك لأنك اعتبرت ما علقت به على موضوعاتك أمرأ يستحق التنويه إليه بكلماتك الرقيقة.
ثانيًا: أنا سعيد لأني وجدت اسمي موجودا وسط هؤلاء الأفاضل الذين علقوا على مقالاتك وهذا شرف لي لم أتوقعه يوما.
ثالثًا:نحن لم نتفق على أن أكون نائبًا لرئيس حزب على حزب وداد قلبي أنا طول عمري طمعان في الكرسي الكبير ويمكن لما أنزل الانتخابات ألهف في العملية مليون جنيه ولآ حاجة أهو برضه تسندنا شوية.
رابعًا: تحباتي إليك شخصيًا وإلى قلمك الرشيق وخفة دمك في المقالات ,ولأنك كنت تخصيني دائما بالدعوةإالى المدونة لقراءة الجديد وهذا كرم أخلاق منك تحمدين عليه . تحياتي
حكيم عقول(الشهير بعبده مشتاق)

غير معرف يقول...

السندريـــلا اولا كتير على اوى كلامك ودا يخلينى دائما اقول المثل رب اخ لم تلده لك امك - جعلنى الله دائماتحت حسن ظنك وظن قراء مدونتك الافاضل المحترمين
اما انك زعلانه منى على عدم تعليقى على بعض المواضيع صدقينى المشكله مش فى المواضيع ولا فى المشكله فى القطه بتغيب عنى وفى بعدها عنى صعب اشوف الحياه بعين واحده او بصراحه بحس انى احول
دائما متميزه صادقه جديره بكل الاحترام و الود و التقدير
هشـــام ابو عيـــش

غير معرف يقول...

الي زهرة البنفسج: الصحافة مثلها مثل أي "حرفة" أخري هناك من يتعلمها وهناك من يكون موهوبا والسيدة "زهرة البنفسج" من النوع الثاني، فهي تحس بنبض المجتمع وتنقله للقاريء بصدق ، ويتميز أسلوبها بالحيوية أيضا ، اليك تحياتي وأتمني أن ينصت اليك السيد وزير المالية، فالناس في مصر ليسوا أغنياء ولا يتحملوا "هذا النوع من المعاملة. ان اصحاب القصور معروفين لدي الجميع
وتحصيل الضرائب منهم ليس صعبا اذا تم بلعدل ولكن
تحياتي المصر والي زهرة البنفسج
د.صلاح خليل

غير معرف يقول...

ليلي النقاء كل سنه وانتى والاسره الكريمه بخير..ومن غير دعوه احنا معاكى..نتنفسى فى المدونه هواكى.. وتسعيدنا.. ونسعد معاكى.وكفايه علينا.. اننا..اسعد الاوقات عندنا ساعه لقاكى..بنتفكرينا .. وتفكري لينا..ولما تنندهينا..بسرعه بنسمع نداكى.. تحياتى ..محمود صابر الخطيب