23‏/9‏/2009

أسئلة واجابات


أعزائي
كتير منكم مش بيحبوا الكاتب مفيد فوزي
بس انا دايما بقرابابه الثابت يوم السبت في جريدة الاهرام
وانا ممن يداوم علي قرائته
حبيت ارد علي ما كتبه تحت اسم
أسئلة قررت الآفراج عنها
وانا قررت اجاوب علي اسئلته
هما 24 سؤال وانا جاوبت عليهم تعالوا نقرا الاسئله والاجابات
---
1-كم فقيرا في مصر تحت خط الفقر يعيشون في مناطق وجيرانهم أغنياء قادرون ؟ أسال قلقا
---
الفقر ليس في المال فقط بل فقر في الضمير وفقر في المشاعر وفقر في الاحساس
وهذا الفقر تجده غالبا متساوي بين الفقراء والاغنياء
---
2- ما اسم الصيدليه التي تبيع اقراص أو شراب او حقن
(القبول أو الكاريزما )
لاستخدام من يظهرون علي الشاشات وهم فاقدوا القبول والكاريزما
---
القبول من عند الله سبحانه وتعالي
اما من يظهرون علي الشاشات اغلبهم لا يملكون اي شيء حتي التحدث
ولكنهم يملكون السلطه والامكانيات التي تتيح لهم الظهور علي الشاشات
---
3-ماذا يقول الجحود للامتنان اذا تقابلا ؟
هل سيرمق الامتنان الجحود بنظرة احتقار قاتله ؟
وهل سيتأثر الجحود ويخجل أم يمضي في جحوده وكأنه يتنفس ؟
---
الجحود لا يتأثر ولا يخجل . لكن الخجل هنا للامتنان من اي اطراء
الجحود هو الذي سيرمق الامتنان بنظرةعدوانيه
لانه يتمني ان يختفي من العالم ويحل هو محله
---
4-مأمور ضرائب ( مرتبه 2000 جنيه ) يتعامل مع ممول ضرائبه
(نصف مليار جنيه ) فماذا يكون حاصل العملية
الضرائب مصلحتك اولا
---
الضرائب في كل الاحوال مصلحه للدوله اولا واخيرا
وياريت المواطن يحس ان الضرايب اللي بيدفعها بتروح في اماكنها
---
5-لماذا لوحظ تزايد عدد هواة صيد السمك من فوق الكباري
حيث يلقون بشباكهم وينتظرون ؟
هل الهواية عند المصريين طلبا للسمك أم التعود علي ممارسة الصبر ؟
---
ليس لممارسة الصبر لان الشعب المصري صابر بما فيه الكفايه
بيتسلي بدل القعده قدام التليفزيون او الانترنيت
---
6 - أيهما اقوي من ناحية الامكانات سائق الميكروباص
الذي أمر التباع أن يدوس توفيق عبد الرحمن
أم العسكري المكلف بحماية المواطن من مظاهر البلطجة؟
وهل يظل ميزان القوة مختلا؟
---
التباع معه ميكروباص . اما العسكري المسكين لا يملك حتي عصا
فكيف يمكنه القضاء علي البلطجه بيده ام بلسانه ام بقلبه
البقاء في هذا الزمان للاقوي
---
7 - كم امرأة في مصر تستطيع الحياة في بيت بلا مرايا تماما ؟
وللدقة هل علي ظهر الكون امرأة يخلو بيتها من مرأة ؟
---
تستطيع المرأة الاستغناء عن المريا بانها تشغل عقلها
ويبقي هو سلاحها لان سلاح الجمال ده مش دايم
ولكن السؤال هنا كم من رجل لا يستطيع الاستغناء عن المريا ؟
---
8 - في أي قرن تقريبا سوف يتم توحيد الصف الفلسطيني بين حماس وفتح ؟
---
في القرن اللي مش حنكون عايشين فيه قول انشاءالله
---
9 - هل قارن انسان متأمل جاد حجم ( الكلام )
في حياتنا بحجم ( العمل ) في صمت ؟ اسأل حزنا
---
الناس بتتسلي بالكلام في اثناء العمل
وفي اثناء الانتقال سواء بالطياره او السياره او القطار
اوحتي اذا كانت الوسيله هي الحمار
وفي كتير بيقولوا بنشتغل علي قد فلوسهم
وفي مش بيشتغلوا ويقولوا فوت علينا بكره
---
10 - هل العثور علي سبائك الذهب من جبال مصر في مرسي علم
سيرفع مستوي الفقراء أم سيزيد الآثرياء ثراء؟
---
الآثرياء بيبحثوا عن الثراء باي وسيله حتي لو جمع القمامة
او ذبح الخنازير بحجه انفلونزا الخنازير
او حتي الاغذيه الفاسده اللي بتموت الشعب ويقولوا
خليهم يموتواحتي الدنيا تبقي فاضيه شوي
---
11- لو أفترضنا جدلا أن ( السوفت وير )في الموبايل
ناقلة للانفلونزا بكل صورها
فهل نستغني عن الموبيلات اتقاء العدوي القاتلة ؟
---
لا احد الان يستطيع الاستغناء عن الموبايل
ويسال في ذلك الخضري والسباك وبواب العمارة والميكانيكي
---
12 - السيد عمرو موسي محبط ممن ؟ قرفان ممن ؟ غيرسعيد بمن ؟
ثائر علي من ؟ لا يثق في من ؟
---
اعتقد ان حضرتك عارف كويس الحاله اللي بتوصفها عنه
من ايه والمعني في بطن الشاعر
---
13 - من هو المسئول الذي يشرب بحق من حنفية بيته
وليس امام عدسات التليفزيون لاثبات ان مياه الشرب من الحنفيه ميت فل وعشرة
---
حتي لو شرب قدام عدسات التليفزيون ميه من الحنفيه
بيكون معمول مونتاج علي اللقطه وبتكون ميه معدنيه
حنضحك علي روحنا والا ايه
ميت فل وعشره عليك استاذ مفيد
---
14 - هل في مصر جراح شهير له عنوان متخصص في
أورام الاحتقان الطائفي ؟
هل يؤدي مهمته باليزر أم بجراحة طويلة الآمد؟
---
لو الكل اقباط ومسلمين اقتنعوا بان الدين لله والوطن للجميع
ويرددوا بلا كلل ولا ملل يحيا الهلال مع الصليب
مش حنحتاج لا جراح شهير ولا مغمور
حنحتاج بس اننا نحب بعض اكتر ونخاف علي بعض اكتر
---
15 - من يقول الوزير أو المحافظ ياعشم
ما أبقيت لي صديقا من نواب مجلس الشعب ؟
العشم قيمه اجتماعيه مصرية تساء استخدمها
---
نستبدل كلمه العشم بالمصلحه تكون اوقع
---
16 - من هو المصري المصنف من دول العالم الثالث
الطامحة نحو التنمية الذي استطاع متابعة
كل مسلسلات رمضان التليفزيونية؟
---
رمضان كان فيه 58 مسلسل ده حسب ما التليفزيون
نزل نشره باسمائهم
لو ما اكلناش ولا نمنا ولا صلينا ولا اشتغلنا ولا عملنا اي شيء
الا الفرجه علي المسلسلات حنقدر نتابع 24 مسلسل بعدد ساعات اليوم
علي اعتبار ان الاعلانات بتضمنها اجزاء من المسلسل
برضه مش حنقدر نغطي كل المسلسلات
مش فاهمه هو ليه العدد الضخم ده زي مايكون رمضان بيجي عشان
الاعلانات والمسلسلات وتضخم حسابات المنتجين والمخرجين والممثلين
---
17 - كتب محررفي احدي الصحف يقول ( رجال الاعمال السيئه )
فهل كان يصف رجال الآعمال في مصر؟ أم يصف رجال الأعمال السيئة
من السحر والجن والشعوذة وقراءة الفنجان والتنجيم ؟
وما حقيقة نية قلمه؟
---
حقيقة نيته يعلمها الله . بس هو جمع الكل رجال اعمال سواء سيئة او حسنة
بس برضه بقوله ان صوابعك مش زي بعضها
---
18 -نصحني طبيب متخصص كمحاور علي الشاشة
ان يكون بيني وبين من احاور مسافة متر علي الأقل
تحسبا للاصابة بانفلونزا الخنازير
وقال ان الالتصاق مضر .. فهل مهنيا يجوز التحاور مع الناس
في الشارع بهذة الكيفية؟ ألست عنجهانية ؟
---
بقترح تحاوره ويكون بينك وبينه ساتر
او ممكن عن طريق الفيديو كول
يا استاذي احنا شعب الحمدلله عندنا مناعة طبيعية
من الجو اللي عايشين فيه اللي هو غير صحي تماما
ربك هو اللي بيحرسنا ويحمينا وقول الله كريم
---
19 - من هو ( المنتمي ) لتراب مصر؟
هل الذي يجلدها بمر الكلام من باب الوطنية ؟
أم الذي يعمل بصمت من باب الولاء؟
أم صاحب الصوت العالي الشتام من باب الخوف عليه ؟
أم الذي يقف علي عثراتها ويتفهم عمق أخطائها ؟ من ؟
---
كلهم منتمين لمصر وبيحبوها بس كل واحد بيحبها بطريقته
ولو سالت اي حد منهم الاجابة حتكون الاتي
انا بحب مصر بموت فيها ماحدش بيحبها قدي
ولا بيخاف عليها قدي ونفسي تبقي احسن بلد في الدنيا
كلا حسب عقليته وطريقته
---
20 - الحلواني . الطرشجي . الزبال
أيهم أمامه فرص الثراء ؟
---
كلهم بس الزبال أكتر وتقدر تتاكد من حالة الشوارع حاليا
----
21 - لماذا تعود الفنانة المحجبة للتمثيل ؟
شوقا للفن أم للمال؟
---
شوقا للشهره
---
22 - هل كان قرار ( اعدام الخنازير ) متسرعا وغير مدروس
بحيث تكومت في الشوارع 40% من القمامة جالبة الأوبئة ؟
---
متي امتي كان فيه قرار مدروس كلها بتكون قرارات متسرعة
والقمامة موجوده من قبل ذبح الخنازير
اصبحت وامست وعلي مدار العام
---
23 - لماذا السياسي صاحب التجربة أو الصحفي صاحب المشوار
أو الفنان صاحب المعاناة الطويلة
نقول عنه ( راحت عليه )
هل في جيناتنا المصرية ما يعادي ( تراكم الخبرات )في انسان
---
اي حد مش في الصورة بيقولوا راحت عليه او هو لسه عايش
بيعتبروا ان الجديد ده موضه
وبينسوا اصحاب الخبرات مع انهم بيكونوا اكثرهم معرفة
---
24 - هل البني أدم في هذه الدنيا مسير أم مخير ؟
---
كلنا مسيرين وبندرج ده تحت بند الحظ الكفاءة المقسوم النصيب
بس احنا بنضحك علي حالنا ونقول مخيرين
---
أعزائي انا عارفه اني طولت عليكم وممكن تكونوا مليتو
بس بصراحه من يوم السبت لما قريت الاسئله كان نفسي اجاوب عليها
ياريت لو حد عنده اجابات تانيه يكتبهالي في التعليقات
وبرضه بقولكم اوعوا تفكروا تقلبوا الصفحه
ابقوا معي

هناك 6 تعليقات:

غير معرف يقول...

لولا الغاليه
بصراحه مش عارف اقولك ايه انتي لازم تكتبي في اي جريده
تعالي ياستي نفتحلك جريده
كل سنه وانتي بخير
كل الحب
دكتور احمد الجمال

غير معرف يقول...

استاذه ليلي بضم صوتي لصوت دكتور احمد بس انا بقول لازم تعملي برنامج تليفزيوني
حتكوني انتي المعده والمقدمه واحنا الكسبانين
ياريت تفكري بجديه
كل الود
دكتور محمد عمر

غير معرف يقول...

ليلي النقاء..تحياتى.. ليس عندى من الكلام غير انى اقول اتفق معك فى كل ماتقدم..وعجيب الامر..ان حبك لمصر فاق حبك لنفسك..انتبهى ليلي..لحظه للحياه تحياتى..محمود صابر الخطيب

علاء الخيام يقول...

يجمعنا جميعا باختلاف ثقافتنا او ديانتنا او فكرنا حب الوطن واصبح الجميع يسئل وينتظر الاجابة من الاخر بالرغم من معرفتة للاجابة مسبقا ؟؟؟؟
وكان ما يحدث في هذا الوطن العزيز مجرد تمثيلية يشاهدها المواطن ويودي في نفس الوقت دور الكمبارس وعندما يجد نفسة في الشاشة يصفق ولا يهتم بباقي التفاصيل ؟؟؟ الي متي نبقي متفرجين ؟؟ الي متي نبقي كمبارس ؟ متي نكتب بيدنا مستقبل الجيل القادم ؟؟ انا ايضا اتسائل وابحث عن اجابة ؟

غير معرف يقول...

كل التحيه والتقدير لمجهودك المميز والمتميز \\------- بس مش عارف ليه لاحظت انى محتاج اعلق على اجابه حضرتك فى السؤال رقم 4\14\24
بالنسبه ان الشعب يشعر ان دفعه للضرائب هايعود عليه --- اشك
اما الدين لله والوطن للجميع == الدين لله والوطن لله وللمختلفين فى الدين \\ قال رسول الله صلى الله عليه وسلم \\ لهم ما لنا وعليهم ما علينا وزياده حسن الجوار
وبالنسبه لموضع مسير اكيد مسيرين ولاكن هناك مشيئه وماتشاؤن الا ان يشاء الله
القراءن اثبت ان لنا مشيئه واذا توافقت مع مشيئه الله تمت مشيئه الله ومشيئتنا بدليل ان منا من يدخل الجنه ومنا هايدخل النار اعازانا الله واياكم = لو احنا مسيرين يبقى ليه ربنا يحاسبناا ؟؟
بحترمك كتير وبقدر مجهودك واسلوبك الرائـــع
هشـــام ابو عيش

waly يقول...

مجهود رائع يا ليلي و ردود رائعة ولكن .........
اعتبتي نفسك في الرد علي سفية لا يجدي الا لغة الكلاام فقط واختيار الكلمات المناسبة لمقال قد يرغب فية الناس مرة اخري في ظل غابة المقالاات الغريبة ذات العنواوين الغريبة ايضا التي عرفتها الان سوق الصحافة المصرية و لكن هو شخص عموما انا ((أعف )) علي الرد علية في اي شيئ ممكن ان يكتبة
تسلم ايدك يا ليلي