22‏/7‏/2009

نظرة أحلي بنت

أعزائي
وحشتوني بجد .. انا بتاخر عليكم لان ظروفي صعبه اليومين دول
انما انشاءالله ححاول اكتب زي الاول
دي قصيده للشاعر محمود صابر الخطيب
كان الرئيس السادات رحمه الله عليه
منحه شهادة تقدير لجهوده في الادب
وهو اختص مدونتي باكثر من قصيده
وانشاءالله حنزلهم علي فترات
انا بشكره جدا علي الثقه الغاليه
القصيده اسمها احلي بنت
ياريت اكون وفقت في اختيار الصوره لاحلي بنت


معرفش ليه .. انا لما شوفتك ابتسمت
ووقفت بعد الابتسامه .. ساعه صمت
وقعدت بعد الصمت يوم .. من غير ما قومت
وفضلت بعد اليوم يومين .. سهران ما نومت
انا اللي عمري ما اترجعت..
قدام عيونك .. اتهزمت

حطيت قراري ... فوق مداري واتعدلت
بصيت في وش مريتي تاني .. كتير ودورت
لقيت في شعري شعره بيضه .. اضطربت
اتاري هم العمر خدني.. خلاص كبرت
انا اللي عمري ما اترجعت ..
قدام عيونك .. اتهزمت

لفت في راسي , وف حواسي , فكره من ايام ماكنت
اكتب لدي .. واوعد في دي ..
واقول لدي .. احلى ما قولت .
قفلت باب الفكره جامد .. وانتبهت
هوه انا باقي ف حياتي م السنين .. اكتر ما عشت
انا اللي عمري ما اترجعت ..
هزمتني نظره احلى بنت
اوعوا تقلبوا الصفحه
ابقوا معي

هناك 6 تعليقات:

غير معرف يقول...

لولا الغاليه
الظاهر اني اول واحد اقرا القصيده
قصيده حلوه وكمان اختيار الصوره كان ملائم للقصيده
تحياتي للشاعر الاستاذ محمود صابر الخطيب
ومنتظرين باقي اشعارة لكي كل الحب
دكتور احمد الجمال

waly يقول...

كيفيك يا ليلي
الكلمات حلوة بس مش علشان انور السادات هههههههه
الي عجبني اكثر بصراحة الحجر الي لابساة صاحبة الصورة بصراحة يجنن يا ليلي
اختيار كتير حلو للصورة

غير معرف يقول...

ليلي هانم
فعلا وحشتينا ماتتاخريش علينا تاني
القصيده جميله والصوره اللي اخترتيها اجمل . عايزين باقي القصايد
كل الود
دكتور محمد عمر

غير معرف يقول...

لم يفاجئني مستوى القصيدة ... فلا أتوقع من كلمات الصديق محمود إلا أن تكون بهذا الجمال

رضا

غير معرف يقول...

صراحه صوره جميله وكلمات معبره لدرجه انها استفذتنى لاءقول
الفراق
اخدوكى منى اخدوكى -- ومين بعدك احبه يا عيــونى
كنت اهــاتى وابتسمــاتى وفرح حياتى فى الدنياا دى
افتكرينى يافجر عيونى
افتكرينى مهما لاموكى
افتكرينى واياك تنسى انى كنت بحب بجد
افتكرينى مهما عيونك حبيت غيرى
افتكرينى مهما شفايفك لمست غيرى
افتركينى واياك تائسى على يا اسـيه
وان سئلوك عنى قوللهم
هو الحلم وهو الذكرى -- ومهما هايجرى
موش راح انسى انه كان بيحب بجد انه كان بيحب بجد انه كان بيحب بجد
من وحى بنات افكار الشاعر الجهبذ
هشــــام ابو عيـــش

غير معرف يقول...

ليه يا بنفسج بتبهج وأنت زهر حزين
ليه يا بنفسج لماأشوفك تشتكي بألم وأنين
ليه يا بنفسج ياللي طبعك محتشم ورزين
ليه يا بنفسج وأنت رمزالحب والشوق والحنين.
رد البنفسج بغرابة:هو أنت عمل لي كمين؟!
الفرح ودعته وفارقني بقاله سنين .
الفرح سبته للزهور للفل والياسمين .
يبقى يا فالح الحزن أسيبه لمين ؟!
لكن لو عاوز تفرحني رجعوا فلسطين .

خالص تحياتي :" حكيم عقول "