أعزائي
كلنا كنا مترقبين ماتش المنتخب مع البرازيل
وكتير مننا واكيد انا وحده منهم ان لم اكن اولهم
ماكانش عندي اي امل في احراز ولا جون واحد
انما برضه الامل حلو والثقه في الفراعنه احلي
ابتدا الماتش بخوف المنتخب وزاد الخوف بعد تسديد كاكا الجون الاول
في شبكه الحضري اللي ساعتها عرف انه مش حيطلع فوق الشبكه ويقول ارقص ياحضري
بس كاكا كان ذكي استغل دربكه المنتخب وخصوصا وائل جمعه وهاني سعيد
وبعدها ابتدا المنتخب يفوق شوي
وخصوصا بعد جون ذيدان الاول اللي كان بمساعده ابو تريكه
مررها عرضيه علي راس ذيدان واكيد ذيدان كان عايز يفرح خطيبته مي عزالدين فسجل هدف التعادل
بركاتك يامي
اما الشوط التاني افتكروا اخيرا انهم ابطال افريقيا
وكمان حسن شحاته بدل احمد حسن بعيد عبد الملك
كان تغير ملائم لظروف الماتش
اما دونجا مدرب البرازيل اكيد حس بخطر المنتخب وغير هو كمان
روبينو وايلانو بالاكسندر وباتووراميريس
اهداف المباره
سجل البرازيل 4 اهداف
كاكا هدفين في الدقيقه 6 والدقيقه 90
ولويس فابيانو في الدقيقه 12
وخوان في الدقيقه 37
اما اهداف المنتخب فكانت
لذيدان هدفين في الدقيقه 9 والدقيقه 56
ومحمد شوقي في الدقيقه 6
اما دينمو الماتش فكان ابو تريكه بلا منازع
تحيه وشكر لكابتن حسن شحاته
وابقوا معي واوعوا تغيروا الصفحه
هناك 6 تعليقات:
ليلي هانم
ماشاءالله عليكي
محلله رياضيه كمان . زي ما صحفيه اماراتيه قالت لحضرتك لازم تنضمي لجريده او تقدملنا برنامج تليفزيوني
ياريت تفكري
كل الود لليلي هانم
دكتور محمد عمر
المتاش كان غريب جدا يا ليلي وغرابتة جت من مفاجئتة كان المحللين البرازلين معتبرين ماتش مصر فسحة حلوة علي النيل بس النيل قلب عليهم واصبح بحر الظلمات نفسة اغلبية الشعب البرازيلي سمي الي حصل في الماتش بالفزعة الكبري
عموما و بالرغم اني هجرت الكورة من سنين كترة الا اني اتفرجت طبعا علي الماتش و فرحت كمان
je ne savais pas qu'en plus tes connaissanses dans la beauté et le bien etre , et tes talents de reporters quand tu nous a transmits l'audiance du tribunal , tu etais encore une fine stratege et commentateur de foot ball !!!ah, tu ne finiras pas de nous surprendre ,tu es quelqu'un plein de talents et je suis honoré et fier de faire partie de tes amis . amir.
لولا
الكوره في دمك
عارف انك اكيد حتكتبي عن الماتش
شكرا يا اهلاويه جدا
دكتور احمد الجمال
دائما سباقه وايدا ان شاء الله
من وجه نظرى المتواضعه ان السبب فى هاذه النتيجه المشرفه ان الاعبين قد نسو او تنساو انهم منتمين للعالم الثالث
سيف معلق على رقبه اى منا ان نركن او نظن اننا دائما وابدا سنظل تحت مظله علم - العالم الثالث
ربنا يديم الود الاستاذه والمحلله الموضوعيه وحمد لله على سلامتك
منـــــــــــــوره
هشام ابو عيش
شكلك شربتى من نيلها وفرحتى زى ما المصريين فرحوا بالعرض الجااااااااااااامد جدا حتى لو مالكيش فالكورة بس تعليقك بيقول انك كروية قوى ومصرية قوى قوى قوى
إرسال تعليق