23‏/5‏/2009

رساله مفتوحه

أي كلمة عزاء او رثاء مش حتفيد في شيء
لان المصيبه كبيره
هايدي قلبي معاكي وبجد حزينه جدا زي كل اللي بيعرفوكي شخصيا
او اللي بيعرفوكي بحكم انك زوجه ابن الريس
اللي ممكن يخفف عنك المعاناه حاليا هو انك تساعدي
علي قد ماتقدري الاطفال المرضي
في مستشفي سرطان الاطفال او مستشفي ابو الريش للاطفال
وممكن كمان في معهد ناصر
ساعدي وامسحي دمعه من علي خد طفل مريض
وارسمي بدالها بسمه حتقدري ياهايدي
وساعتها حتحسي انك شاركتي في شفاء طفل مريض
علاء . كلنا متعاطفين معاك
بس انت حاليا عليك حمل كبير فوق حمل الحزن علي محمد
لازم تاخد بالك من هايدي لانها محتجالك اكتر من الاول
وكمان عمر محتاجلك انت وهايدي اكتر من الاول
ولازم تخرجوه من الحزن ومفيش حد حيقدر علي كده الا انتوا الاتنين
كلمه اخيره محمد كان بيحب المولتو ممكن ياعلاء تبقي توزعه
علي الاطفال الغلابه الموجودين في الملاجي دي اكيد حاجه حتسعده
ولله ما أعطي ولله ما أخذ

هناك 8 تعليقات:

غير معرف يقول...

لولا
مواساة حقيقيه ربنا يجعلها اخر الاحزان
كل مصر حزينه علي محمد
بس زي مابيقولوا مايغلاش علي اللي خلقه
لكي كل الحب
دكتور احمد الجمال

غير معرف يقول...

ليلي هانم
حقيقي الكل حزين علي الطفل محمد
خالص موساتي لعائله مبارك
دكتور محمد عمر

غير معرف يقول...

استاذه ليلي
موقف حقيقي مؤلم للاهل بفقد عزيز
خالص عزائي
منيرفا

غير معرف يقول...

نادرا ما ابكى من قلــبى قبل دمعى ونصيحتك لعلاء ان يوزع صدقه جاريه على اطفال الملاجىء -- مولتـــووو --
جعلتنى ابكى على محمد علاء مبارك
وعلى كل اطفال محمد حسنى مبارك
الله يرحم الجميع
البقاء لله
هشام ابو عيش

غير معرف يقول...
أزال أحد مشرفي المدونة هذا التعليق.
waly يقول...

بصراحة يا ليلي انا اتلخبطت
الي يقرء تعليقك يعتقد انكي بتتكلمي علي اسرة ملكية في منتهي الديمقراطية ممكن اي واحد في الشعب يوجة ليهم نصائح و يكلمهم و ياخد ويديي معاهم بالطريقة دي
انتي نسيتي ان الاسرة دي استعبدت مصر بحالها؟؟ من نصب و ظلم واعتقال و اغتصاب كمان ..... بالله عليكي مين في حكام مصر قدر يعمل موضوع الاغتصاب دة وهتك اعراض البنات في الشرع علنا جهرا؟؟
طبعا و لا جدال لا شماتة في الموت ولكن ايضا ادعوكي ان تكتبي عزاء في اثنين مليون طفل ماتوا في العراق بقرار اولي من اسرة محمد حسني مبارك كلها و اللستةكبيرة اوي للقتل و التعذيب وكل الاعمال الوحشية الي كلنا شوفناها واحنا في اخر بلاد الارض
بصراحة انتي حساسة جدا ولكن في مواجهة الظلم لابد وان تكون حادة .... زعل علاء ابوة اوزعل امة مش اغلي عندي انا شخصيا من قهرة قلب ام في اعتقال ابنها مدي حياتة او انها تشوف ابنها بيموت قدامها من التعذيب اوتشوف ابنها زي ما شافت ام عماد الكبير ابنها,,,,,,,
هلااك الظمة هم واسرهم شيئ يسعدني انا شخصيا حتي لوكان من اهلي
و بعدين يا ستي انتي ممكن تقولي اصل علاء بعيد وما لوش دعوة واقولك لاء مش بعيد لو كان فية ذرة حب واحد بس لمصر واهلها كنا شوفناة طلع وصرخ في وجة اابوة واخوة و قال لاء
بس الرجل خذ جنب مظلم ودة مش سبب نقدر نواسية علية او نديلة عذرة
اخيرا اقدر اقولك اللهم اهلك الظالمين هم و اولادهم و كل من ولااهم

غير معرف يقول...
أزال أحد مشرفي المدونة هذا التعليق.
غير معرف يقول...

والي العزيز
انا بواسي الانسان اللي فقد ابنه سواء هو ابن رئيس او وزير اوحتي غفير
حقيقي انا حزينه علي محمد وحزني الاكبر علي هايدي اعتقد ان دي خارج الحسبه الرئاسيه . امام الموت لا مجال للعتاب وان لم نكن راضين علي افعال الاهل
كل الود لوالي العزيز.
ليلي