أحزان قريبه

أعزائي
كتير بفكر في حاجه غريبه وهي
ايه الفرق بين انك تفارق حبيب او عزيز بالسفر او هو نفس الشخص تفارقه بالموت ؟
ناس كتيير بيخافوا من سيره الموت . بس بصراحه هو الحقيقة الوحيده في الحياة . وعشان كده بتلاقي ان اصدق صفحه في اي جريدة بتكون هي صفحة الوفيات .
ليه بنخاف من الموت ودايما بيقترن اسمه باننا نقول بعد الشر ؟ الموت مش شر .
ومن رحمة ربنا علينا اننا مش بنعرف امتي . ولا ازاي . ولا ليه .... يعني مالوش معاد بنعرفه .
بس برضه في ناس بتنتظره ممكن يكون بحكم مرض ميئوس منه .
احساس بيكون فظيع اكيد.
لما حد بيعرف ان نهايته قريبه ساعتها مش بيعرف الوقت اللي فاضله ممكن يكفي يعمل ايه والا ايه .
يزعل اللي بيحبهم عشان مايزعلوش عليه ؟
والا يحبهم زياده عشان قرب يسبهم .بس هما اكيد حيعانوا من بعده .
يفضل قريب منهم عشان هو عايز يقرب اكتر واكتر واكتر لكن العمر مش مديله فرصه .
والا يبعد عشان يعودهم علي بعده ؟
لما بيحصل لناحاله وفاه بنزعل ونلعن الايام اللي عايشنا بس حبنا للدنيا والحياه بيخلونا ننسه شوي شوي .
حقيقي في ناس مش ممكن ننساهم بس الحزن عليهم بيقل مش عشان هما مابقوش مهمين بس لظروف الحياه ورتمها السريع
ممكن لما نفكر فيهم نرجع نزعل بس المده قد ايه ؟
سنه الحياه بنجي الدنيا مش عارفين ليه وبرضه بنسيبها ومش عارفين ليه .
انا كئيبه النهارده معليش استحملوني .
ويارب يديم الود بينا .