بكره مصر كلها بتحتفل بعيد الام
كان يوم 21 مارس من الايام السعيده في حياتي
وعلي قد ما كنت بحبه علي قد دلوقتي مابحمل همه
لان مامتي اتوفت
بدور عليها كل ليله في احلامي وبدعي قبل ما انام اني اقابلها في الحلم
طالما اني مش بشوفها في الحقيقه الا بقلبي وصورتها مطبوعه في عنيه
وبدعي ان ربنا يجمعنا تاني لان الموت فرقنا
الله يرحمها ماكنتش ام وبس كانت صديقه واخت وكل حاجه حلوه
كانت الحياه والامل بعدها كل شيء بقي مر
احلي كلمه ممكن نقولها هي ماما
مافيش حد ممكن يعوضني حنانها ولا لما كانت بتطبطب عليه وتدعيلي
كانت بتفهمني من نظره وانا كنت بفهما بنفس الطريقه
وكنت بعرف هي عايزه ايه بالظبط
كانت بالنسبه لينا كلنا زي نور السهاري اللي بيكشف ومايجرحش
بيتقال لما الاب بيتوفي مات اللي كان الناس بيكرمونا عشان خاطره
انما لما الام هي اللي بتتوفي بيقولوا ماتت اللي ربنا بيكرمنا عشان خاطرها
الحقوا كلكم خدوا رضا امهاتكم واكرموهم
وكل عام وجميع الامهات طيبين وفرحانين ببر اولادهم ليهم
وكل عام وانتم جميعا بخير
وعيد ام سعيد عليكم جميعا
بس اوعوا تقلبوا الصفحه
ابقوا معي
هناك 3 تعليقات:
ليلي هانم
مقال بيوجع القلب
الف رحمه ونور
كل الود
دكتور محمد عمر
لولا الغاليه
عنوان المقال جميل نور سهاري يكشف ولا يجرحش
متهيالي انتي اكتر وحده ينطبق عليكي العنوان . ربنا يخليكي
مدمن مدونتك
دكتور احمد الجمال
لاول مره معرفش اجد كلام اكتبه رد على كلامك بكل صراحه
لاكن اقول كلنا راحلون انا وانتى امى وامك ابى واباكى ويبقى الامل فى القاء فى دار الحق ودار البقاء
كل عام وانتى بخير يا سندريلا ربنا يعطيكى البنت الى تعوضك بعض الشىء عن فقدان الام اللهم ارحم جميع امهاتنا
هشام ابو عيش
إرسال تعليق